Johana Gũtaarĩria
Gũtaarĩria
Ibuku rĩĩrĩ rĩa Ũhoro Mwega ũrĩa wandĩkirwo nĩ Johana rĩonanagia atĩ Jesũ nĩ kiugo kĩa Ngai gĩa tene na tene, ũrĩa “Watuĩkire mũndũ na agĩikarania na ithuĩ.” Maũndũ marĩa marĩ ibukuinĩ rĩĩrĩ maandĩkirwo nĩ geetha andũ arĩa marĩmathoomaga meetĩkie atĩ Jesũ nĩ we Mũhonokia ũrĩa Ngai eerĩire andũ, na atĩ nĩ Mũrũ wa Ngai, o na atĩ andũ mangĩmwĩtĩkia nĩmakaagĩa na muoyo (20.31).
Mwandĩki wa ibuku rĩĩrĩ aambĩrĩirie na gũtaarĩria atĩ Jesũ nĩ we Kiugo kĩa Ngai gĩa tene na tene. Agacooka, gĩcunjĩinĩ kĩa mbere, akaheana ũhoro wa ciama cia mĩthemba mĩingĩ iria cionanagia atĩ Jesũ nĩ we Mũhonokia ũrĩa Ngai eerĩire andũ na atĩ nĩ Mũrũ wa Ngai. Mwandĩki arĩĩkia kũheana ũhoro ũcio, nĩacookeete akaheana ũhoro ũtaarĩirie maũndũ marĩa ciama icio imenyithanĩĩtie. Ningĩ gĩcunjĩinĩ o kĩu nĩonanĩĩtie ũrĩa andũ meetĩkirie Jesũ magĩtuĩka arũmĩrĩri aake, o rĩrĩa andũ angĩ maamũkararirie makĩrega gwĩtĩkia. Thĩinĩ wa icunjĩ cia 13-17 nĩaheanĩĩte ũhoro mũingĩ wa ngwatanĩro ya Jesũ na arutwo aake ũtukũ ũrĩa aanyiitirwo, na wa kũmahaarĩria na kũmoomĩrĩria akĩrooka kwambwo. Icunjĩinĩ cia kũrĩĩkĩrĩria, mwandĩki nĩaheanĩĩte ũrĩa Jesũ aanyiitirwo, agĩciirithio, akĩambwo, akĩriũka, na ũrĩa aumĩrĩire arutwo aake thuutha wa kũriũka.
Rũgano rwa mũtumia ũrĩa wanyiitirwo agĩtharia (7.53–8.11) rũhingĩrĩĩtwo ta ũũ [ ] nĩ tondũ thĩinĩ wa maandĩko maingĩ na mangĩ marĩa maataũrirwo tene rũtirĩ ho, namo mangĩ marwĩkagĩra icunjĩinĩ ingĩ.
Johana nĩakindĩrĩĩte mũno ũhoro wa andũ kũheeo muoyo wa tene na tene magereire harĩ Kristũ. Kĩheeo kĩu kĩambagĩrĩria rĩu, na gĩũkaga kũrĩ andũ arĩa marũmagĩrĩra Kristũ arĩ we njĩra, ũũma, na muoyo. Ũhoro wa mwanya wa Johana nĩ atĩ nĩahũthĩrĩĩte indo iria irĩ gũũkũ thĩ ta arĩ rũũri rwa kuonania maũndũ ma kĩĩroho: Imwe ciacio nĩ maaĩ, mĩgate, ũtheri, mũrĩithi na ng'ondu ciake, na mũgũnda wa mĩthabibũ na thabibũ ciaguo.
Maũndũ marĩa marĩ ibukuinĩ rĩĩrĩ
Ũhoro wa kwambĩrĩria 1.1-18
Johana Mũbatithania na arutwo a Jesũ a mbere 1.19-51
Wĩra wa Jesũ mũingĩinĩ 2.1–12.50
Jesũ e hakuhĩ gũkinya Jerusalemu na e kuo 13.1–19.42
Kũriũka na kwĩyonania kwa Mwathani 20.1-31
Mwathani kwĩyonania rĩngĩ thĩinĩ wa Galili 21.1-25
Actualmente seleccionado:
Johana Gũtaarĩria: GKN
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Gikuyu Common Language Bible with DC © Bible Society of Kenya, 2014, 2018.