Versículos más leídos de la Biblia San Lucas 11

Compartir

Gunca de ru nac der mbecy a̱ꞌ nap rad lagy der lac mod rbic ru coz nap ni iꞌñ ru, zeꞌ yegar Ñgyoozh, uz den, biñ nu zub gyibaa, wabic mi Espiriit Yon ni de yu rgyiiñ lom ―na Jesuuz rab mi de yu nu rsyaꞌ lom.

Ndeꞌ nu ya̱ rne̱e̱ lo der: Bdiiñ der lo Ñgyoozh, gun Ñgyoozh cuic mi de coz nu cyiiñ ni der. Byub der ñii, gun orzeꞌ gyad ñi ni der. Mnii nu der mi, gun orzeꞌ shaal mi roꞌ ni der.

Gun cyu ziꞌl mbecy nu rgyiiñ gad ñi niy. Nunu cyu ziꞌl mbecy nu ryub gyad yuñ. Nunu cyu ziꞌl mbecy nu rnii num shaal mi roꞌ niy.

Orzeꞌ Jesuuz nam rab mi yu: ―Ornu nii nu der Ñgyoozh, orzeꞌ i mod nii der: Ñgyoozh, uz de̱, rlagy ñi ca lagy de̱ lor. De̱ ya̱ rdiñ de̱ nu cyid gyel gubier nir lat de̱.

Bicy sulagy ne̱ de̱ ni de coz cyi nu ricy de̱, gal nu de̱ ya̱ ricy sulagyaꞌ de̱ ni de yu nu shiñ ricy nu de̱ ya̱. Nunu cueꞌ zaan ru nu gyet lag de̱ lo preb ―nam.

Tub dzi ga cuic ru de coz nu rlagy ñi nu da̱w de̱.

Urlor, ndeꞌ nañ gal na tub candiil nu rbic yaa nañ shcab nir. Orzeꞌ benu gyicy ru coz nap nu urlor, orzeꞌ gzu yaa nañ dutuub la shcab nir. Tees benu gyicy ru coz cyi nu urlor, orzeꞌ cow la zu nañ shcab nir.

’Ni tub la mbecy wacaay gyi tub candiil nu riiy ñi tub lugaar ngach. Ni wariiy ñi nañ tub cajo̱o̱, sinu zuub yuñ seꞌñ, gun orzeꞌ cuic ñi yaa lo de mbecy nu rzuꞌ nañ yuꞌ.