Versículos más leídos de la Biblia San Lucas 10

Compartir

Ya̱ bicya̱ nu de ru cyiiñ der nu zar too bily nu too gune, nunu se la la zac der. Nunu bicya̱ nu gyicy der gan dela losaꞌ yuur mas tonaꞌ la fert yu. Nunu se la la coz zac der.

Orzeꞌ na Jesuuz rab mi Mart: ―Mart, Mart tonaꞌ la rsug ic ru nunu deet rac nañ lardoor nu nac zañ coz. Tees tub zi coz nu ricy ñi presis. Zeꞌ Li pcuiñ tub coz nu nap zir par nu gyicy ñi. Nunu se cyu la gac co niñ ―nam.

Orzeꞌ na mbecy zeꞌ rab yum: ―Pca Shuaan ru, biñ nu nac Ñgyoozh nir, nu dutuub la lardoor nu dela gyel mbañ nir, nu dela fers nir, gal nu dela shcab nir. Nunu pca losaꞌr gal nu rcar ub ru ―nay.

Orzeꞌ nam rab mi dey: ―De mbecy nu yuꞌ ii na na dey gal na tub cosech. Rishli cosech tonaꞌ la sheñ ñi. Tees de mbecy nu gyicy riiñ loñ ñuu zi dey. Ndeꞌ nu bdiiñ der lo Ñgyoozh Shuaan cosech zeꞌ nu gzeed zir mi de mbecy nu teꞌ cosech zeꞌ.

Zeꞌ orzeꞌ na, ¿ca na lo chon de mbecy zeꞌ bicy nuy yu nu guud güii zeꞌ gal mod nu rlagy ñi nu gyicy mbecy nu losaꞌy? ―nam. Orzeꞌ na yu nu rlyuu leey zeꞌ rab yu Jesuuz: ―Yu nu gushni lagy mbecy nu guud güii zeꞌ ―nay. Orzeꞌ na Jesuuz rab mi yu: ―Orzeꞌ gua nunu niꞌ ziꞌl gyicy ru ―nam.

Orzeꞌ gua der. Na der gal nu na shily nu zuu neza̱ nu cha lat lob.