Versículos más leídos de la Biblia ROMA 12

Compartir

Ni kakua ni vakaitovotaki kemuni ena veimataqali i tovo ni vuravura oqo. Ia ni vakadonuya ga vua na Kalou me vakavouia taucoko sara na nomuni vakasama ka me veisautaki kina na nomuni bula e loma. O ni na qai kila rawa kina na loma ni Kalou, ka kila talega na ka yaga, ka vinaka, ka uasivi sara.

O koya oqo, ena vuku ni yaloveivosoti levu ni Kalou kivei keda, au sa vakamamasu kina vei kemuni na veiwekani mo ni cabora na yagomuni me i madrali bula, me savasava ka vinaka vua na Kalou. Sa i koya oqo na i soro vakayalo dina mo ni vakacabora.

Mo ni reki tiko ena vuku ni vakanuinui sa tiko vei kemuni, ni dau vosota na veika rarawa, ka ia tikoga na masu ena veigauna kece.

Ni kakua ni vakatara na ca me vakadrukai kemuni, ia mo ni valuta ga na ca ena vinaka.

Ni veilomani sara me vaka ni o ni sa veitacini ena vuku i Karisito; ka mo ni veiuasiviti ena veivakarokorokotaki.

Me dina ka maucokona vinaka na nomuni loloma. Mo ni cata na ca ka taura matua na ka vinaka.

Ni cakava na ka kecega o ni rawata mo ni veilomani tikoga kina kei ira na tamata kecega.

Ni kakua ni sauma na ca sa vakayacori vei kemuni. Laiva ga vua na Kalou me sauma. Ni sa volai tu ena i Vola Tabu: “Sa noqu i tavi me'u cudruvaka, au na sauma oi au, sa kaya na Turaga.” Ni sa kaya talega na i Vola Tabu

Ni cakacaka vakaukauwa, ka kakua ni vucesa. Ni qarava na Turaga ena yalodina.

Ena vuku ni lolomasavu ni Kalou vei au, au sa kaya kina vei kemuni kece sara me kakua ni dua vei kemuni me raici koya cake vakasivia mai na kena e veiganiti kaya. Ia me yalomatua ga ena nona vakanananu, ka lewa vakavinaka na nona bula me veirauti kaya kei na i vakarau ni vakabauta sa vota vei kemuni yadudua na Kalou.

Kevaka e dua sa cakava e dua na ka ca vei kemuni, ni kakua ni sauma lesu ena ca. Ni tovolea mo ni cakava na ka e vinaka ena matadra na tamata kecega.

Ni veinanumi vakatautauvata. Ni kakua ni dau viavialevu, ia ni makututaka ga na veitokani kei ira sa vakaleqai ka malumalumu. Ni kakua ni nanuma ni o ni sa vuku.

“Kevaka sa viakana na nomu meca, mo vakani koya; kevaka sa viagunu, mo vagunuvi koya; ni o sa cakava oqo, o na vakavuna me madua vakalevu sara kina.”

Ni masulaka vua na Kalou me vakalougatataki ira era vakacacani kemuni — io, mo ni kerea vua me ia na veivakalougatataki, ka sega ni veicudruvi. Ni marau vata kei ira era sa marau, ka tagi vata kei ira era sa tagi.

Ni solia na veika e tu vei kemuni vei ira na wekamuni vakayalo era leqa tu, ka dau dolava na nomuni vale vei ira na vulagi.

Sa vuqa na veitiki ni yagoda, ia sa duabau ga na yago; ia na veitiki ni yago kece oqo sa duidui na nodra i tavi. Sa vakakina oi keda, e dina ga ni da sa lewe vuqa, eda sa lewe ni duabau ga na yago ena noda sa tu vata kei Karisito, ka da sa veisemati vata ni da sa veitiki ni yago duidui ni dua ga na yago.