Versículos más leídos de la Biblia EFESO 6

Compartir

Ni da sa sega ni veivala kei ira na tamata, ia eda sa veivala ga kei ira na veiyalo velavela ena veiyasana vakalomalagi, kei ira era sa veiliutaki vakatani, kei ira sa vakataulewa cala, kei na kaukauwa eso ni vuravura butobuto oqo.

Mo ni masu tikoga ena veimataqali masumasu kece sara kei na daukerekere ena Yalo Tabu. Ena ka oqo, mo ni yadrava tiko kina na kena gumatuataki na nodra dau masulaki na tamata ni Kalou kecega.

Mo ni vakaiyaragi ena i yaragi kecega ni Kalou me rawa ni o ni tudei kina ka vorata na i lawaki ni tevoro.

O koya oqo mo ni daramaka kina na i yaragi kecega ni Kalou! O ni na qai vorata rawa kina na sasaga ni meca ni sa yaco mai na siga ca; ia ni sa oti na nomuni veivorati, mo ni tudei tikoga.

Ena veigauna taucoko sara, mo ni taura na vakabauta me i sasabai, ka ni oqo ena sabaya laivi ka bokoca na gasau kama kecega ni tevoro. Ni ciqoma na veivakabulai ni Turaga me i vakaruru ni ulu, kei na vosa ni Kalou me i seleiwau sa solia vei kemuni na Yalo Tabu.

O koya mo ni qai tu vakarau kina, ni sa vauci na lomadina me beleti ni tolomuni, ka i tataqomaki ni lomaseremuni na i valavala dodonu, ka i vava me daramaki ki na yavamuni na yalo sa vakarau tu me dau kacivaka na i Tukutuku Vinaka ni veivinakati.

Me'u tinia, mo ni kaukauwa tiko ena vuku ni Turaga kei na nona kaukauwa mana.

“Vakarokorokotaki rau na tamamu kei na tinamu.” Sa i koya oqo na i matai ni vunau sa dua kina na vosa ni yalayala: “mo vinaka kina, ka bula balavu kina ena dela i vuravura.”

Kemuni na gone, mo ni talairawarawa vei ira na nomuni i tubutubu ena ka sa vinaka vua na Turaga, ni sa ka dodonu oqo mo ni cakava.