Versículos más leídos de la Biblia KOLOSA 3

Compartir

Mo ni dauveiciqomi, ka dauveivosoti kevaka e dua sa vakararawataka e dua vei kemuni. Me vaka sa dauvosoti kemuni na Karisito, mo ni veivosoti talega vakakina.

Mo ni dau vakananuma ga na veika mai cake, kakua ga na veika e vuravura.

Na ka kecega o ni cakava, mo ni qarava sara mai na vu ni yalomuni taucoko, me vaka ga ni o ni sa veiqaravi tiko vua na Turaga, ka segai vei ira na tamata.

Sa i kemuni na nona tamata na Kalou, o koya sa daulomani kemuni ka sa digitaki kemuni. O koya oqo mo ni vakaisulu kina ena dauloloma, ena yalovinaka, ena yalomalumalumu, ena yalomalua kei na vosota vakadede.

Me vutuniyau tiko na lomamuni ena vosa i Karisito. Ni veivakatavulici ka veivakadreti ena vuku kecega. Ni ia na laga same, kei na sere ni lotu, kei na veisere vakayalo eso, ka lagata oqo vua na Kalou ni sa sinai na yalomuni ena vakavinavinaka. Ia na ka kecega o ni cakava se cavuta me caka kecega ena yaca ni Turaga ko Jisu, ka vakavinavinaka kina vua na Kalou na Tamada ena yacana.

Mo ni qai ubia na i valavala vinaka kece oqo ena loloma, ni sa vauci ira vata vakavinaka sara na loloma.

Kevaka o ni sa vakaturi cake tale ki na bula vata kei Karisito, ia ni vakasaqara ga na veika sa tu mai lomalagi, ena vanua sa tiko kina na Karisito, ena liga i matau ni Kalou.

Na vakacegu sa solia vei kemuni na Karisito e kena i naki me tuberi kemuni ena veivakatulewa eso o ni vakayacora; ni sai koya na vakacegu oqo sa kacivi kemuni vata kina na Kalou ki na yago e duabau ga. Ia mo ni ia tiko na vakavinavinaka.

Sa dodonu vakaoqo mo ni vakamatea sara kina na veigagadre vakavuravura sa cakacaka tiko ena nomuni bula: na veibutakoci, na i valavala dukadukali, na garogaro ca, na dodomo tawa dodonu, kei na kocokoco, sai koya e dua na i tovo ni qaravi kalou lasu.

Ni o ni sa mate tu, ka sa vuni tu na nomuni bula vata kei Karisito vua na Kalou.

Ia oqo mo ni sa luvata tani kece sara: na daucudru, na dauleva, na lomaca. Me kakua na veivosacataki kei na vosa dukadukali mai na gusumuni.

Ni kakua ni ia na veilasutaki vakai kemuni, me vaka ni o ni sa luvata tani na tamata makawa kei na nona i valavala ka o ni sa vakaisulu tu ena tamata vou, o koya sa vakavoui tiko ena vuku, me veiucui kina kei koya ka sa buli koya.

Oi kemuni na tagane vakawati, mo ni dau lomani ira na watimuni, ka kakua ni dau voravora vei ira.

Oi kemuni na gone, mo ni talairawarawa vei ira na nomuni i tubutubu ena ka kecega, ni sa vinaka sara oqori vua na Turaga.

Oi kemuni na yalewa vakawati, ni dau talairawarawa vei ira na watimuni, me vaka sa kilikili ni o ni tu vata kei na Turaga.