Versículos más leídos de la Biblia KOLOSA 2

Compartir

Me vaka ni o ni sa vakabauti Karisito Jisu me nomuni Turaga, ni tomana tikoga na nomuni bula me vaka na nona i valavala, ka me vakatitobutaki na wakamuni ka tara cake vua, ka vakaukauwataka cake tikoga na nomuni vakabauta me vaka o ni a vakatavulici kina, ka vuabale sara ena vakavinavinaka.

Ni qarauna vinaka de qai rawai kemuni e dua ena vuku vakavuravura sa tawayaga ka sega ni dina, ka sa yavutaki mai na tamata kei na veiyalo makawa ni vuravura oqo, ka sa sega ni vaka na i vakavuvuli i Karisito.

O ni a mate vakayalo tu eliu ena vuku ni nomuni i valavala ca kei na nomuni sa sega ni cilivi. Ia sa qai vueti kemuni na Kalou mo ni bula vata kei Karisito. Sa vosota na noda i valavala ca kecega na Kalou; io sa bokoca na i tukutuku ni veibeitaki sa volai ena vukuda kei na kena lawa virikotori, ka sa kauta tani sara, ni sa vakota ki na kauveilatai.

Ni sa bula tiko ena yago i Karisito na veika kecega me baleta na Kalou, ka sa taucoko kina na nomuni bula ena nomuni sa tu vata kaya. Sa uasivia na veikaukauwa kecega kei ira na yalo dauveiliutaki kecega na Karisito.

O koya oqo mo ni kakua kina ni vakatara e dua me lewai kemuni me baleta na veika o ni kania, se gunuva, se na veika me baleta na siga vakatabui eso, se na Solevu ni Vula Vou, se na Siga ni Vakacecegu. Na veika oqo era sai yaloyalo walega ni veika dina ena qai yaco emuri; ia sai Karisito ga na ka dina.