Versículos más leídos de la Biblia Joni 16

Compartir

A veika oqo ka'u sa tukuna vei kemudou ni dou na rawata na vakacegu ni lomamudou ni dou sa semati kivei au. O vuravura ena vakavuna mo dou sotava na veika rarawa. Ia mo dou yaloqaqa ga!; Au sa vakamalumalumutaki vuravura oti!”

Ia ni sa lako mai na Yalo Tabu, o koya sa vakatakila na dina ni Kalou, ena liutaki kemudou ki na veika dina kecega. Ena sega ni vosa o koya ena nona kaukauwa vakataki koya ga, ia ena tukuna na veika sa rogoca ka tukuna vei kemudou na veika era se bera ni yaco mai.

Me yacova mai oqo, dou sega mada ni sa bau kerea e dua na ka ena yacaqu. Dou kerekere, ka na yaco vei kemudou, me ka taucoko kina na nomudou marau.

Ia au sa tukuna vakadodonu oqo vei kemudou: ena vinaka vei kemudou me'u lako tani, baleta ni kevaka ka'u sa sega ni lako, ena sega ni lako mai vei kemudou na Dauveivuke. Ia kevaka ka'u sa na lako, au na talai koya mai kivei kemudou. Ia ena gauna sa lako mai kina o koya, ena vakatakila vei ira na tamata e vuravura na nodra cala me baleta na i valavala ca, kei na veika sa dodonu, kei na lewa ni Kalou.

E vakakina na nomudou rarawa ena gauna oqo. Ia, au na raici kemudou tale, ka na qai reki na lomamudou, ka na sega ni dua ena kauta tani rawa na nomudou marau. Ena siga o ya dou na sega tale ni tarogi au ena dua na ka. Au kaya vakadodonu sara vei kemudou, na ka kecega dou na kerea vei Tamaqu, ena yacaqu, ena solia vei kemudou o koya.

Au kaya vakadodonu vei kemudou, dou na tagi ka tagiyaso, ia ena reki o vuravura. Ena rarawa na lomamudou, ia ena vuki me reki na nomudou rarawa.