Versículos más leídos de la Biblia Joni 15

Compartir

“Oi au na vaini, oi kemudou na tabaqu. O ira kece sara sa sema tiko vei au, ka'u sa sema tiko vei ira oi au, era na vua vakalevu sara; ni kevaka dou sa tawase tani mai vei au, dou na sega ni rawata e dua na ka.

Dou sema tikoga vei au, ka'u na sema tikoga vei kemudou. Me vaka ga ni na sega ni rawa ni vua vakai koya na taba ni vaini kevaka e sega ni semati tiko ki na vuni vaini, ena sega talega vakakina oi kemudou kevaka dou sa sega ni sema tiko vei au.

Kevaka dou sa sema tikoga vei au ka sa tiko vei kemudou na noqu vosa, a veika kecega dou sa vinakata ka kerea, ena vakayacori oqo vei kemudou.

Dou sa sega ni digitaki au, ia ka'u sa digitaki kemudou, ka'u sa lesi kemudou mo dou lako ka vuavuai vakalevu sara ena vuamudou sa tudei. Ena solia kina vei kemudou o Tamaqu na ka kecega dou sa kerea vua ena yacaqu.

Na loloma cecere duadua e rawa ni solia e dua na tamata vei ira na wekana sai koya me solia na nona bula ena vukudra.

Sa dau kauta laivi na tabaqu kecega e sega ni vua o koya, ka samaka na tabaqu kecega e vua, me rawa ni ra vua vakalevu sara.

Oqo na noqu i vakaro: dou veilomani, me vaka ka'u sa lomani kemudou.

Sa vakatakilai na lagilagi nei Tamaqu mai na nomudou vuavuai vakalevu; io, oqo na sala dou sa yaco kina mo dou noqu tisaipeli.

“Oi au na vaini dina, ka sa dauqarava na loganivaini o Tamaqu.

Kevaka e sega ni sema tiko vei au e dua na tamata, ena biu laivi me vaka na taba ni vaini ka sa na malai mai; era na qai tomika na tamata ka biuta ki na bukawaqa me kama kina.

“Au sa tukuna na veika oqo vei kemudou me rawa kina ni tiko kei kemudou na noqu reki ka me vakataucokotaki talega kina na nomudou reki.

Kevaka dou sa talairawarawa ki na noqu i vakaro, dou na tiko ga ena noqu loloma, me vaka na noqu sa talairawarawa ki na i vakaro i Tamaqu ka'u tiko ga ena nona loloma.

Sa i koya oqo na ka au sa vakarota vei kemudou: mo dou veilomani.

Kevaka dou sa nei vuravura, ena lomani kemudou o vuravura me vaka na nona sa dau lomana na ka e nona. Ia ka'u sa digitaki kemudou mai na vuravura oqo, ni dou sa sega ni okati mo dou kai vuravura; o ya na vuna sa cati kemudou kina o vuravura.