Versículos más leídos de la Biblia Gén 27

Compartir

Is chik Dios hiw'en amho pelhay tä tälh puleye, wet ispej alhoho yachuyaj tä lhenlhipej, wuj trigo lhäy'e vino. Is chik wujpey wichi tä w'enhache lhamej tä i'pe honhat tachumlhi amho, is chik itsinen lakamchetey tä ihi tä letatache. Wet a'en niyatayej apuhfwas, ¡is chik itihiche honhat lakamchetey tä ihi tä letatache! Wichi chik takäpfwayej ame awit'äyhyaj, is chik lewit'äyhyaj ihi t'at lhamel. Wichi chik takäpfwayej ame m'ak tä is, is chik Dios lakäpfwayaj iyej t'at lhamel.”

Wet Isaac yok: –¡Ya'that õyen tajya lheya Jacob! ¡Nech'e dos veces tä y'akan n'oyej! Ichun, iso n'oyej on'ohyaj tä ohäpe achunkatsek, wet athana äp iso n'oyej akäpfwayaj tä lewukn'o. Ijcha, ¿hä newache akäpfwayaj elh yämthilek lew'en n'oho?

Wet nech'e Isaac ifwenho lhäs wet yok: “Honhat tä haw'etla atofwiyelahlä honhat tä yachuyaj lhäy'e pelhay ihi. Aisiyeja afwajnhat yämthilek lekalhi m'ak tä lewatlä, wet ahäpkhila hach'inij lakawo. Mat chik nichäte lewhäy tä letatayhlä, alefwayhthiyeja m'ak tä iwoyej ame.”

Mat Esaú tujlhache tä yok: –¿Mat chiwoye, hä newache elh akäpfwayaj, ijcha? ¡Häte olham käpfway n'oye! Tä iwoyetso, yachajo tä ifwitsenej tä tafwlhi.