Versículos más leídos de la Biblia Éx 15

Compartir

Yok: –Chik amel letach'ahu n'oye tä ohäpe amel Awuk Dios, wet lewoye t'at nilhokej olhämtes tä isen tä ot'uhläk lewoye, tek ochätyenla atapehen elh chik häpe n'owit'äyhyajay tä ochätyenpe Egipto lheley. Tsi ohäpe Awuk tä Achesthi.

Owujyenej otenek häp Lhawuk tä häpe okhajyhayaj wet äp Ofwayhthi. Lham häpe oka Dios wet on'okwihiyeja. Häpe ojcha laka Dios wet owunthila.

“¡Iwuk, ihichet'a dios elh chik te iwoye am! ¡Ihichet'a elh tä häpe n'ot'amajchet wet äp takhajay, mälhyej iwoye am! ¡Am lhenlhi m'ayhay tä wichi iseltejen lhäy'e tä äyteschehen!

Häp tä isej ahumnhayaj tä nittäya, wet lechunch'oye häp wichina tä lefwayhthen, wet lehäne honhat tä amajchet, häp tä isej akhajyhayaj.

Tä nichäte lhip tä lhey Mara, iche inät tä ihi mat isit'a, tapayhi. Häp tä tamenej tä õyen lheya honhat lhiptso Mara, häp n'olhämet tä yok, Tapay. Wet ihichet'a inät chik Israel lhayis iyäyej. Wet lhamel itiyej lhämtes tä ni'isachehen häp Moisés, wet tay'ätshane tä yok: –¿Atsi m'ak tä lewoye tä y'achimhen? Wet Moisés t'änch'oye Lhawuk, wet Lhawuk ipäyne hal'ä tälhe tä yelaj. Moisés tachuma wet ithatho inät, wet nech'e akäji inät. Tä Israel lhayis ihi lhiptso, Lhawuk yelhtshaynej lhämet lhamel yämthilek hiw'en chik lhamel iwoye.