Versículos más leídos de la Biblia Ruka 14

Compartir

“Kana munhu achiuya kwandiri, asingavengi baba vake namai, nomukadzi, navana, navanun'una, nehanzvadzi, kunyangwe noupenyu hwakewo, haangavi mudzidzi wangu.

Ani naani asingatakuri muchinjikwa wake, akauya shure kwangu, haangavi mudzidzi wangu.

Nokuti mumwe nomumwe anozvikudza, achaninipiswa; uye mumwe nomumwe anozvininipisa, achakudzwa.”

Saizvozvowo, ani naani kwamuri asingasiyi zvose zvaanazvo, haangavi mudzidzi wangu.”

Nokuti ndiani kwamuri, kana achida kuvaka svingo, asingatangi kugara pasi, akaverenga kukosha kwayo, kuona kana ane mari yokuipedzisa nayo? Kuti zvimwe kana atanga nheyo, akakoniwa kupedzisa, vose vanozviona, vasatanga kumuseka, vachiti, ‘Uyu munhu akatanga kuvaka, akakoniwa kupedzisa.’

Asi kana wagadzira mutambo wokudya, ukokere varombo, nezvirema, navanokamhina, namapofu. “Ipapo ucharopafadzwa, zvavasina zvavangakuripira nazvo, nokuti ucharipirwa pakumuka kwavakarurama.”

“Munyu wakanaka; asi kana munyu wakashapa, acharungwa neiko? Hauchine basa pamunda, kana padutu romupfudze; vanourasira kunze. Ane nzeve dzokunzwa, ngaanzwe.”