Versículos más leídos de la Biblia Abi Itser-Yesu 2

Compartir

Ubitru agɔr umbɔ agɛ, <<Àka adzipa ra arhimmbi umbɔ asorhuwa umbi ubɔtisima ri itsok Uyesu Ukiristo ngge atsũwe arhimmbi. Ikɛi umbi awuri iyɛimbi izũwũ Ipfu Isarsatangge.

Umbɔ atsu atsimbɔ ri ikpeto ri imesa abi itser Uyesu, nu iwɛrhɛ abika adɔsa, nu itsɔku uborodi ri ifɛn-Num.

Nu kishoo awu nggu Ipfu Isarsatangge, atsĩmbɔ irherhe idũ abikase Ipfu-Num iki idzowe umbɔ ijeea.

Kanying umbɔ agũ irhak iki idzeka afã ru nyaku ugba ukom, udzeka afã uba utɔkpɔ iyakɛ umbɔ aka asei. Mɔcɛ umbɔ anyã ubina ru nyaki ikon urha, uku ugasha ucipuwa ra atsimbɔ unying anying. Nu kishoo awu nggu Ipfu Isarsatangge, atsĩmbɔ irherhe idũ abikase Ipfu-Num iki idzowe umbɔ ijeea.

Ubɛn unum umbɔ anu ikɔng ru ufɔm Iya-Num nggu amɛn unying. Agha ubingha ananga unying ra ayambɔ, agha na ahwa nggu anggɔm nu itɛnamɛn, akpoi Unum na awe ru izama ra anera kishoo. Ubɛn unuma Uteijee anu itomuwe umbɔ abika afɔrh.

<< <Unum agɔr agɛ, ri inum iyiki imimasha, umum iwuri itsuke Ipfumum ra anera kishoo. Nu awɛkacimbi akatsɛrh na akatsak awuri isɔm Arherhu-Num, na awɛdzɛmmbi awuri inyãmbɔ irhi, nu akakũmbi ikɛi awuri irheyimbɔ urhɔ.

Kishoo abika adɔsa awu unying, nu abinmbɔ kishoo awu aki adɔkambɔ. Agoyiwe abin ukammbɔ, na agashuwe uhwɛka ra adɔkambɔ uku kpengkpeng ri itsũwãmbɔ.

Nu ubɛn unera aka afɛn Uteijee awuri ikpoa ififɔrh.>

Ishaa unum iwuri idzipa iwu uzĩ, ufɛ̃ ikɛi uwuri iwu uku uzhãĩ ru nyaka adzirh, kata ibiba nggaa ikpikpoi unum ukpu Uteijee.