Versículos más leídos de la Biblia လုကာ 22

Compartir

“အို အဖ… အလိုတော်​ရှိ​လျှင် ဤ​ခွက်​ကို အကျွန်ုပ်​ထံမှ ဖယ်ရှားပေးတော်မူပါ။ သို့သော်လည်း အကျွန်ုပ်​၏​အလိုဆန္ဒ​အရ​မဟုတ်ဘဲ ကိုယ်တော်​၏​အလိုတော်​အတိုင်းသာ ဖြစ်စေတော်မူပါ” ဟု ဆုတောင်းတော်မူ၏။

သို့သော် သင်​၏​ယုံကြည်ခြင်း​မပျက်သုဉ်း​စေရန် သင့်​အတွက် ငါ​ဆုတောင်းပြီ။ သင်​သည် အသိတရား​ပြန်​ဝင်​သောအခါ သင်​၏​ညီအစ်ကိုများ​အား ကြံ့ခိုင်စေလော့” ဟု မိန့်တော်မူ၏။

မုန့်​ကိုလည်း​ယူ​၍ ဘုရားသခင်​၏​ကျေးဇူးတော်​ကို ချီးမွမ်းတော်မူ၏။ မုန့်​ကို ဖဲ့​၍ တပည့်တော်တို့​အား ပေးတော်မူ​လျက် “ဤ​မုန့်​သည် သင်တို့​အတွက်​စွန့်သော ငါ​၏​ကိုယ်ခန္ဓာ​ဖြစ်၏။ ငါ့​ကို အောက်မေ့သတိရ​ရန် ဤသို့​ပြုကြလော့” ဟု မိန့်တော်မူ၏။

ညစာစား​ပြီးနောက် စပျစ်ရည်ခွက်​ကိုလည်း​ယူ​၍ “ဤ​ခွက်​သည် သင်တို့​အတွက် သွန်းလောင်းသော ငါ​၏​သွေး​ကို ပုံဆောင်၏။ ငါ​၏​သွေး​သည် ဘုရားသခင်​နှင့် လူများ​အကြား ဖွဲ့သော ပဋိညာဉ်​သစ်​ကို သက်သေပြု၏။

ယေရှု​သည် ပြင်းစွာသော ဝေဒနာ​ကို​ခံလျက် စိတ်အားပြင်းပြ​စွာ ဆုတောင်း​သဖြင့် ချွေးစက်တော်​သည် သွေးစက်​သဖွယ် မြေ​ပေါ်သို့​ကျလေ၏။

သို့သော် သင်တို့​က​မူ ထိုကဲ့သို့​မဖြစ်စေနှင့်။ သင်တို့​အထဲ​တွင် အမြင့်မြတ်ဆုံး​ဖြစ်သော​သူ​သည် အသေးနုပ်ဆုံး​ကဲ့သို့​လည်းကောင်း၊ ခေါင်းဆောင်​ဖြစ်သော​သူ​သည် အစေခံ​ကဲ့သို့​လည်းကောင်း နေရမည်။

ယေရှု​က “ပေတရု၊ သင့်​အား​ငါ​ပြောဆိုသည်​မှာ ယနေ့​ပင် ကြက်​မတွန်မီ သင်​သည် ငါ့​ကို​မသိ​ဟူ၍ သုံးကြိမ် ငြင်းဆို​လိမ့်မည်” ဟု မိန့်တော်မူ၏။