Versículos más leídos de la Biblia Mateus 4

Compartir

Om na ta ac con na Jeju. Ac i ca' na ca xirao' pe xine pain capijacon Iri' Jam: Om ca xica' pe ne capam' ca to' e' nain ca wari' wa ma'. Tomi' ha' iri tarain oro capija wari' ne, je ca to' e' non ta na ca xirao' nein con ta. Ac i ma' na ca tomi' in pin con Caxicon Jam.

In ca' ne ta Caxicon Jam ac con na Jeju. Xi xirao' pe ara xine pain capijacon Iri' Jam ta: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta na ca xirao' nein con ta. Ac i ma' na ca tomi' in pin con Caxicon Jam Jeju.

Om na ta ac con na Jeju. Ac i ca' na ca xirao' pe xine pain capijacon Iri' Jam quem. Ta tomi' querec mon Taramaxicon co Iri' Jam ne ma cwa' me ta. Ac i ma' na ca tomi' con ma'.

An mao ac con na Jeju Tamataracon Iri' Jam. An mao non pain cote ne mahweri. Ma' ta tomi' querec quem Caxicon Jam ta non. Mon to wet ac cain na i cain. Om ca cao' ca. Noc nain ca cao' wa. Ma' ta tomi' ton Te ta na. Ma' 40 na xec, ma' 40 na xim pain ca om cao' ca pane quem. Pe' pin ac ca na.

Tomi' ac tococwa na: Harahap je, ja' ja' xine. Ca' na ac xuhu' tara pain ca cut in wa wari'. Win ne ca cut in taxipa' hun hwam cwa', ac i ma' jujun oro wari' quem. Ma' ta howa cacapa' pahu' ta inuhu' na ca tomi' tococwa ma'. Ma ac caca na, an to hap pin ac cacain na ca mam' pa' caca hwam. Ja' ja' ac cocon na Jeju.

In mao iri nain Galileia Jeju ne, pijim' pin ac ca na, je win pijim' pin ca pane. Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na ca pijim' nucun.