Versículos más leídos de la Biblia Mateus 14

Compartir

Querec iri nain ca wap tamana ne com pain ca nuru tamana ne hotowa ma' ne, jin' pin ac ca na quem. Pan corom mao ta' na ira. Quep xiho' ne ta Taramaxicon ne ac con na. Coc matam hwet hap ac con na Jeju pain micon, quep xat ac con na. Para tara con ta'a mapa' quem? Je xi howa mip mapa' quem? Ac i ma' na ca tomi' con ma'.

Querec iri nain ca wap tamana ne com pain ca nuru tamana ne hotowa ma' ne, jin' pin ac ca na quem. Pan corom mao ta' na ira. Quep xiho' ne ta Taramaxicon ne ac con na.

Ane tomi' hap caparut Jeju ne. Om na, ta jin' mahu' me ta, wata' ta. Quereme je ta naparut.

Wum ra ac con na Pedro. Mo ta wum ne, hap ra ne, xut hwet ne pain quimain com ca' ne e'. Ac i ma' na ca tomi' con ma'. Hap ra ta ac con na. Quiji' ca' ac cain na mam' horoho wa ma', xut mao ac cain na quimain com. Xut hwet ton paxi' na ira.

In ac ac cocon na, pe torotop mi' ac cocon na. Panxica Iri' Jam ma ma' ira ac cocon na quem.

Om na, hohot na pain ca mon to wet to cacain i ca'. Mi' pan jujun pain carawa ca cao' wa ta ac caparut na. Cain' cain' xuxut quem ac urut con na. Ma' 5 e' naparut wijimain capam' ca'. Ma' 2 e' naparut hwam cwa' quem urut con.

Cut mi' xine pain ta ac caparut na. Xao to jein tononoin ma' ac tococwa na oro wari' ma'. Cut ac cain na capam' ca ma' 5 ma', wirico hwam co ma' 2 ma' quem. Cut iri nain ne, noro pawin ac ca na, tomi' ac con na Iri' Jam. Tomi' querec te urut pum pain ca mi' maparut pain capam' con hwam cwa' quem Te non, jicaracat ac cain na capam', cut mi' ac caparut pain na. Cut mi' ac caparut na con hwam quem. Maxiram' mi' ac urut cocon pain na oro wari'.

Cao' cao' xam' ac caca na. Ma'am ca' nanain, ma'am ma'am pi' pin nana. Pan cut xin pawirinain ta ac urut na, cut ho' cut ho' ac urut pain na pain coco. Moin' 12 na cotain parut.