Versículos más leídos de la Biblia Mateus 12

Compartir

Ane tomi' pan xuhu' pain i ca' ne, tomi' iri'o' inuhu' ta ac tococwa na. Maqui' iri tara xec nein ca wap toton oro wari' pain ca caracat nucucun ta na Iri' Jam ne, tomi' ac tococwa tara: Para tomi' ximama' hwe pane, tomi' hwet xine pain oro ca tomi' ximama' nuhu' cara pane, ac i ma' tara ca tomi' tococwa. Wahu' pain i ma' quem, mo ta hohot ne ca tomi' nuhu' pain ca e' e' wet nuhu' ca', tomi' ac cuhu' tara: Hohot hwe, xi om ne ca hohot ara ne ca tomi' nuhu' pane. Mo ta om hohot ne ca tomi' nuhu' pain ca e' e' wet nuhu' ca', tomi' ac cuhu' tara quem: Om ca hohot hwe, xi om ne ca tomi' ximama' ara hwe pain ca e' e' wet nuhu' pane, na e' na pain ca mama' hwein xe ta, ac i ma' tara ca tomi' cuhu' ta na ca tomi' tococwa ma'.

Je ca tomi' xuhu' ta oro caxicon em'. Ma' tara ca awi ac ne ca tomi' nuhu' pain ca om awi pan nuhu' ra? Carawa ca coromicat taxipa' hwe pain iri' xumuhu' ma', je ca tomi' hwet hwe pain capijahu' ma' quem.

Noro jun wari' co awi ca coromicat nucun ma'. Ac ca cut toco' xo' cain na ca awi ne capijacon pain ximicon, an hwet ac cain na pain ca tomi' nucun. Wari' co om awi ca coromicat nucun ma' iri na ne, ac ca cut toco' xo' cain na ca om awi ne capijacon pain ximicon, an hwet ac cain na pain ca tomi' nucun quem.

Je ca tomi' xuhu' ca': Oro wari' co pan teretem nana ma', co ara nanain oro xijein ca caracat wa ma', oro wari' co tomi' napat nonon Iri' Jam ma' quem, xic am pin ac xine tara ca caracat nucucun. Wari' co tomi' napat nain Tamataracon Iri' Jam ma' iri na ne, om ta xic am pin xine ca caracat nucun ta.

Noro jein panaji memem ma' quem ac tococwa na oro fariseu. Panaji memem ca awi ma', wina awi na. Panaji memem ca om awi ma' iri na ne, wina pan tem na quem. Xac querec iri xine winain ne, querec pin' ac xine na panaji pain ca awi nein, je pain ca om awi nein quem.