Versículos más leídos de la Biblia Yṳ̂ha 19

Compartir

Bǎ Běcǎ Yeshǔ lî̌kè̌bǎ akhanu, a hî̌ kû̌, “A htohǒ.” Dě a û̌lò̤kè ikǒ, htodě a ǐlò̤kè ata̤htûpwa̤ dǒ Cǒmara a cǔdekû.

A hî̌hto pô̤̌nu dě Běcǎ Yeshǔ sî̌ganǎ̤ kû̌ a ma̤htobò ta̤pṳ̂̌꤮ tocǒ hǒ. Dě pô̤̌khô lî̤plò̌shǐ gǔ lǒbehtò̌ ayanu, Běcǎ Yeshǔ hî̌ kû̌, “He sǎôshi” A hî̌ pô̤̌nu.

Bǎ Běcǎ Yeshǔ kè̌shǐ amǒ̤ kû̌ akhôphijǎ dǒ a mô̤nṳ̌ lû̌û tôpwa̤ ihtǒ ô̌phǔ kû̌ lû̌û akha, a hî̌ cû̌ amǒ̤ kû̌, “Mǒ̤꤮ khònò̤̌nu kòyò tôpwa̤ mî̌ a htûhto naphû̌ hǒ,” A hî̌ cû̌ amǒ̤ pô̤̌nu. Htodě a hî̌lò̤ akhôphijǎ nutôpwa̤ kû̌, “Khònò̤̌ hemǒ̤dě a htûhto namǒ̤ hǒ.” Sahtò̌ bǎnu dě akhôphijǎ nutôpwa̤ kaǎgeô̌ Běcǎ amǒ̤nu dǒ ahǐ.

Bǎbǎkǎlè bǎ asî cû̌tǒ̤ dǒ Yeshǔ ô̌ akhanu, asî kè̌shǐ kû̌ a si htohǒ akhû̌akhî, a degǎ lû̌û akhò̌lôpô̤̌ tôkhô꤮ tô̤̌. Bǎbǎkǎlè kliphû̌ nutokhlǒ akla tôpwa̤nu, a shu Yeshǔ wě̤lǎ̤ kû̌ sòbò dě tôplǎnô̤̌ sǐ kû̌ shi hǎhtò̌.

Pô̤̌khô lî̤plò̌shǐ gǔ lǒbehtò̌ ayanu, ta̤hǒtokhlǒ htûhtò̌ hǒ. Lî̤plò̌shǐkû hî̌ kû̌, “Akhwǐ glè̌ lǎ̤gǎ tôbô̌꤮ tô̤̌,” A hî̌ pô̤̌nu. Lî̤plò̌shǐ dǒ ashǔshawa̤ tûkû hî̌ pô̤̌ kû̌, “Asî shu lû̌û kû̌ sòbò tôpwa̤nu, asî gǔ kè̌shǐ lû̌û pě.”

Dě a ò̌cû̌ tûû̌ a nò̌dò̌htǔ dě a hǎhtò̌cû̌ dǒ ikǒkhwǐ agûlǎ̤. Gûlǎ̤ nutôkû mî̌ Hebrǔyô̤̌ hî̌ kû̌, “Gòlǎgòtǎ.”

Kliphû̌ tokhlǒ hte te̤we̤ ta̤shî̌shô̌mṳ̌ sô̌sô̌kû̌ khû̌glû̌ nudě a glû̌htò̌ bǎ kû̌ Yeshǔ. Dě a sô̌htò̌ bǎ lû̌û jejû alî̤lǒso dǒ asô̌sô̌kû̌ khwǐ lǎ̤sô̌ tôpṳ htodě