Versículos bíblicos populares de PILIPI 4

Compartir

Ola aru atendu kerna kai pe, tapi i bas kerina pertotonndu, pindolah man Dibata kai si iperlukenndu, janah pindolah rusur man baNa alu pusuh si dem pengataken bujur.

Kemalemen ate si rehna i bas Dibata nari, si la terukuri manusia, ngarak-ngarak pusuh ras ukurndu erkiteken persadanndu ras Kristus Jesus.

Kedungenna o senina-seninangku, ukurilah kerna si mehuli, e me kerna si bujur, mulia, benar, bersih, mejile ras kerna kerina si patut ipuji.

Ngasup aku ngalaken kerina keadan erkiteken kuasa si ibereken Kristus man bangku.

Meriahlah min akapndu katawari pe erkiteken persadanndu ras Tuhan. Sekali nari kukataken: Meriahlah!

Dibatangku si simpar alu kebayaken si lit i bas Kristus Jesus mereken kerina keperlunndu.

Dalankenlah kai si enggo ipelajarindu dingen ialokenndu i bas aku nari, subuk arah pengeranangku bage pe arah perbahanenku. Janah Dibata si mereken kemalemen ate man banta nemani kam gelah.

Cidahkenlah perbahanenndu si mehuli man ise pe. Tuhan pedas me reh.

Kueteh nge kai ertina nggeluh i bas kekurangen, janah kai ertina nggeluh i bas kelebihen. Enggo dat aku rahasiana, seh maka i ja gia ntah katawari gia, malem ateku subuk paksa aku besur bage pe paksa melihe, subuk paksa aku kelebihen bage pe paksa kekurangen.

Labo maksudku maka lanai aku iperdiatekenndu, saja lanai kin lit kesempatenndu ncidahkenca. Janah si enda kukataken labo erkiteken kugejap maka aku lanai iperdiatekenndu; sabap aku enggo erlajar encukupken alu kai si lit i bas aku.