Versículos bíblicos populares de KOLOSE 1

Compartir

Kita enggo ipulahi Dibata i bas kuasa si gelap nari. IbabaNa kita ku bas Kinirajan Anak kekelengenNa.

Sabap arah IA Dibata njadiken kerina si nasa lit subuk i Surga bage pe i doni, barang si teridah bage pe barang si la teridah, ikut pe kerina kesah si erkuasa ras merentah. Kerina si nasa lit ijadiken Dibata arah Kristus guna Kristus.

Leben nge Kristus lit asangken kerinana, janah i bas persadan ras IA kerina si nasa lit e ndatken inganna si payo.

Dibata la teridah, Kristus nge rupa Dibata si teridah. IA lit ope denga ijadiken kerina si nasa lit.

Erkiteken si e me, maka mulai kin ibegi kami kerna kam, rusur kam itotoken kami man Dibata. Ipindoken kami man baNa gelah banci ietehndu kerina sura-suraNa, alu pemeteh ras kepentaren si ibereken KesahNa. Alu bage ngasup kam nggeluh bagi si ngena ate Tuhan dingen erbahan meriah ukurNa. Seh maka kegeluhenndu erbuahken perbahanen si mehuli, janah erbagesna pe penandaindu Dibata.