Versículos más leídos de la Biblia GALATI 6

Compartir

E maka ola min kita erleja-leja erbahan si mehuli; sabap adi tetap tutus ateta ndalanken si e, seh me paksana siperani ulihna.

E maka i bas tep-tep kesempaten, sibahanlah si mehuli man kerina manusia, terlebih-lebih man teman-temanta si sada kiniteken.

Sisampat-sampatenlah kam i bas maba baban geluh enda. Alu bage isehkenndu kap Undang-undang Kristus.

Ola tipu bandu; ise pe labo ngasup nokohi Dibata. Si isuan manusia e ka nge iperanina.

Adi merdang kalak i bas juma perukuren secara manusia, iperanina, me ulihna si la banci la macik i bas juma perukurenna e nari. Adi nuan ia i bas juma Kesah Si Badia, iperanina me kegeluhen si rasa lalap i bas Kesah Si Badia e nari.

O senina-seninangku, adi lit sekalak si terdat ersalah, kam si nggeluh rikutken Kesah Si Badia arus min negu ia alu manjar-anjar gelah mulihken ia ku dalan si mehuli. Janah jagalah dirindu sekalak-sekalak sabap kam pe banci ka nge kena percuban.

Adi lit kalak erpengakap maka ia mehaga, tapi kai pe ia lang, itipuna me bana. Sekalak-sekalak arus nguji lagu langkahna jine. Alu bage banci megah akapna kerna dirina jine alu la mbanding-mbandingken dirina ras kalak si deban. Sabap sekalak-sekalak simaba babanna nge.