Versículos más leídos de la Biblia GALATI 5

Compartir

Tapi ulih Kesah Si Badia e me: lit kekelengen, lit keriahen dingen lit kemalemen ate, lit kesabaren, idalankenna perbahanen si mehuli, mehuli ia, setia. Meteruk ukurna dingen ngasup engkuasai diri. Kerna si enda la lit isingetken pe i bas Undang-undang.

Sura-surangku e me: Kesah Si Badia min si negu-negu kegeluhenndu maka ola iikutkenndu perukurenndu secara manusia.

Erkiteken Kesah Si Badia me si mereken kegeluhen man banta, e maka lagu langkahta pe arus rikutken peraten Kesah e.

Bage me kalak si enggo jadi sikerajangen Kristus Jesus; perukurenna secara manusia enggo ibunuhna i kayu persilang rikut ras kerincuhen dagingna bage pe sura-surana.

Perbahanen-perbahanen si erpalasken sura-sura ukur manusia tangkas kap. Si enda teridah i bas: erlua-lua, si nggesuh, la meteh mela; nembah man berhala ras erbahan ilmu sihir; simusuhen, rubati, mecimberu, perampus dingen kepentingenna saja ngenca iukurina. Erbahan perpecahen dingen erpihak-pihak. Sician-cianen, mabuk, pesta minem-minem seh mabuk ras si debanna. Kukataken man bandu genduari, bagi enggo kukataken bandu nai maka, kalak si ndalanken perbahanen-perbahanen si bagi enda labo banci dat bagin i bas Kinirajan Dibata si reh pagin.

Kerna kam o senina-seninangku, kam enggo ipilih Dibata gelah bebas. Tapi jagailah maka ola kebebasenndu e jadi alasen si erbahanca kam ikuasai perukurenndu secara manusia. Tapi berelah maka keleng ate njemba-njemba kam guna si sampat-sampaten.

Sura-sura ukur manusia erlawanen ras Kesah Si Badia, janah Kesah Si Badia erlawanen ras sura-sura ukur manusia. Si dua enda ermusuhen, janah si enda ertina maka la banci idalankenndu peratenndu.

Sabap kerina Undang-undang ipersada i bas sada pedah, e me, “Kelengilah temanndu manusia bagi kam ngkelengi dirindu.”

La banci meganjang ukurta, ntah sitokoh-tokohen, ntah pe sician-cianen.

Kita enggo bebas genduari, sabap Kristus enggo mbebasken kita! Erkiteken si e tetaplah bagi kalak bebas, janah olanai kam nggit itindih pasangen bagi budak.