Versículos más leídos de la Biblia KOLOSE 3

Compartir

Ola kam pergelut dingen si alem-alemen salah adi kitik ukurndu ibahan kalak. Kam arus sialem-alemen salah bagi Tuhan enggo ngalemi salahndu.

Bulatkenlah ukurndu nandangi erta-erta Surga, labo nandangi perkara-perkara doni enda.

Kai pe si ibahanndu, dahikenlah e alu tutus, tempa-tempa kam erdahin guna Tuhan, labo guna manusia.

Kam anak-anak Dibata. Kam ikelengi dingen ipilih Dibata jadi sikerajangenNa. E maka pakekenlah paken ate perkuah, mehuli, rukur meteruk, lemah-lembut dingen saber.

Kata Kristus si dem alu kinibayaken nggeluh min i bas pusuh peratenndu. Siajar-ajarenlah kam alu kepentaren. Endekenlah masmur, ende-enden pujin ras ende-enden pertendin. Rendelah muji Dibata dingen ngataken bujur i bas ukurndu. Dage ntah kai gia ibahanndu, subuk i bas ngerana ntah i bas perbahanen, bahanlah e i bas gelar Tuhan Jesus janah ngataken bujur man Dibata Bapa arah IA.

Janah i babo si e kerina, arus kam sikeleng-kelengen sabap keleng ate mpersadaken kerinana alu serta.

Kam enggo ipekeke Dibata ras Kristus. E maka darami lah erta-erta si i Surga, i bas ingan Kristus kundul arah kemuhen Dibata.

Dame si ibereken Kristus i bas pusuhndu min si ngajari kam i bas erbahan keputusen-keputusenndu. Sabap guna dame kam ipilih Dibata jadi sada kula. E maka ngataken bujurlah.

Dage bunuhlah biak-biak doni si la mehuli, umpamana: erlua-lua, erlagu la mehuli, peraten daging, sura-sura si jahat, bage pe rangap (sabap rangap e me nembah man berhala).

Sabap kam enggo mate janah kegeluhenndu si tuhu-tuhu genduari la iidah doni enda sabap terbuni ras Kristus i bas Dibata.

Tapi genduari ambekkenlah kerina si bage rupa: merawa, ngamuk, ras segat ate. Ola cekurak ntah pe melasken cakap melket.

Ola perguak, sabap enggo itangtangindu manusia si male ras kerina kebiasanna, janah genduari enggo ipakendu manusia si mbaru. Kam genduari manusia si mbaru si tetap ipebarui Dibata si njadiken kam rikutken tempasNa jine. Tujunna e me gelah itandaindu alu serta Dibata.

O, kam perbulangen, kelengilah ndeharandu janah ola kasar man bana.

O, kam anak-anak, kalak Kristen, patut kam tetap patuh man orang-tuandu sabap bage nge si ngena ate Dibata.

O, kam ndehara, patuhlah man perbulangenndu, sabap bage me arusna ibahanndu selaku kalak Kristen.