Versículos más leídos de la Biblia मत्तय 4

Compartir

येशु नि तेले उत्तर दिधा “परमेश्वर ना पुस्तक मा लिखेल शे, माणुस फक्त भाकरीस्वर नई, पण तो परमेश्वर ना सांगेल प्रत्येक वचनस्ले मानीसन जित्ता राहीन.”

तव येशु नि तेले सांग, “हे सैतान दूर चालना जाय, कारण कि परमेश्वर नि पुस्तक मा लिखेल शे, तू प्रभु आपला परमेश्वर ले पडीसन नमन कर, आणि फक्त तेनीच उपासना कर.”

येशु नि तेले सांग, “परमेश्वर नि पुस्तक मा हय बी सांगस,” “तू प्रभु आपला परमेश्वर नि परीक्षा नको लेवू.”

तव पवित्र आत्मा येशु ले उजाळ जागा मा लीग्या कि सैतान तेनी परीक्षा करोत. येशु चाळीस दिन, आणि चाळीस रात बिगर काही खावाना ऱ्हायना, तव तेले भूक लागणी.

येशु नि तेस्ले सांग, मना मांगे इपळा, मी तुमले शिकाळसू कि लोकस्ले मना शिष्य कसा बनावाना शे. तेस्नी त्याच टाईम ले आपला मासा धराना काम सोळीसन आणि तेना शिष्य बनी ग्यात.

त्या टाईम पासून येशु नि प्रचार करान आणि हय सांगाले सुरुवात करना, “पापस पासून मन फिरावा कारण कि परमेश्वर ना राज्य तुमना जोळे ईजायेल शे.”