Versículos más leídos de la Biblia MATEO 3

Compartir

Millaita ruracushcata saquishpa cutirishcata ricuchingapajca, allita rurashca p'ucushca granota ricuchichij.

Jahua pachamantaca: “Caimi ñuca c'uyashca Churi. Paipimi cushicuni” nishpa rimashcami uyarirca.

Jesusca ña paita bautizajpi yacumanta llujshishcahuanmi, jahua pacha pascarijpi Taita Diospaj Espirituca paloma shina shamushpa paipaj jahuapi tiyarijta ricurca.

Mana allita ruracushcata saquishpa cutirijpi, yacupi bautizajllami ñucaca cani. Chaica chashnatajmi. Ashtahuanpish ñucapaj q'uipa shamujmi Espiritupi, ninapi bautizanga. Paica ñucata yalli tucuita rurai tucujmi. Chaimantami paipaj pargatellatapish mana pascaipaj cani.

Ashtahuancarin hachatamari ña yuracuna sapipi churashca. Mana p'ucuj yuracunataca tucuitami p'itishpa ninapi shitanga.

Profeta Isaías huillashpaca, Juanmantami cashna nishca: “Shitashca pambapi caparijca: “¡Jatun Diospaj ñanta allichichij. Cancunapaj ñancunatapish allichichij!” ningami” nishcami.