Versículos más leídos de la Biblia Noo Ean 7

Compartir

Eshyn ta credjal aynym’s, myr ta’n scriptyr er ghra, Ass y chree echeysyn roieys strooanyn dy ushtey bio.

Er y laa s’jerree, laa mooar ny feailley, hass Yeesey, as deïe eh, gra, My ta dooinney erbee paagh, lhig da cheet hym’s as giu.

(Agh shoh loayr eh jeh’n Spyrryd, v’adsyn va credjal ayn ry‐hoi gheddyn: son cha row yn Spyrryd Noo foast er ny choyrt, er‐yn‐oyr nagh row Yeesey foast er ny ghloyraghey.)

Ny jean‐jee briwnys rere yn caslys, agh jean‐jee briwnys cairagh.

Eshyn ta loayrt jeh hene, t’eh shirrey e ooashley hene: agh eshyn ta shirrey yn ooashley echeysyn t’er choyrt eh, t’eh shen firrinagh, as cha vel neu‐chairys erbee ayn.

Dreggyr Yeesey ad, as dooyrt eh, Cha vel my ynsagh lhiam pene, agh leshyn t’er my choyrt.

Cha vod y seihll dwoaie y chur diuish, agh dooys te cur dwoaie; er‐yn‐oyr dy vel mee gymmyrkey feanish jeh, dy vel ny obbraghyn echey olk.