Versículos más leídos de la Biblia Génesis 4

Compartir

Tásek xeyk agkok xép aptáhakxa, kátsaha exchek nápat, mólya'assáxma kelhaxnak apmonye' exchep yaqwayam kamok, eñama apteme xa ektáha nak. Apwanchek eyke exchep elenmaxakpohok ma'a.”

Apweteyak axta han xama apketche apkenna' Set, apteméssessek axta apwesey Enós. Cháxa eyeynókxa axta kélwóneykha apwesey m'a Wesse' egegkok.

Keñe axta Wesse' egegkok aptáha apkelmaxneyeyncha'a Caín se'e: —¿Háxko m'a Abel, apyáxeg nak xép? Aptáhak axta Caín apchátegmowágko s'e: —May'ásegkok. ¿Ko'oya séláneykha chá'a m'a?

Keñe axta Wesse' egegkok aptáha apcháneya s'e: —¿Yaqsa ektáha aptáha nak xa? Ewóneyha ko'o éltamho ayaqmagkassásekxak mók apyáxeg éma apagkok apyegkenchesa nak xép keso náxop.

Aptáhak axta Wesse' egegkok apchátegmowágkokxo s'e: —Apmatñeyk sa' agkok xép, añássesagkohok sa' ko'o ekweykmo siete m'a ektáha enxoho apchaqhe exchep. Keñe axta Wesse' egegkok apkelqahasa m'a Caín, yaqwayam enxoho megyaqhehek chá'a m'a ektáha enxoho chá'a apwete.