Versículos más leídos de la Biblia གོ༌ཟུག༌ 4

Compartir

འོས༌པ༌ ཅོ༌ན༌, ཅི༌ ངའ༌ ཁྱོ༌རང༌ངི༌ཀ༌ ཐད༌པོ༌ མི༌ཆའ༌? ཨིན༌ནའང༌ ཀལ༌ཏེས༌ ཁྱོ༌རང༌ངི༌ ཀྲང༌པོ༌བོ༌ ཅོའ༌ མེད༌ན༌, ཏེ༌ནེ༌ ཤང༌ ཅོས༌, སྡིག༌པ༌ ཁྱོ༌རང༌ ཟུམ༌ཅེས༌ལ༌ ཁྱོ༌རང༌ངི༌ སྒོའེ༌ཀ༌ སྲུངས༌ཏེ༌ ཁྱོ༌རང༌ངི༌ཀ༌ ཝང༌ ཅོའ༌ལ༌ གྲལ༌གྲིག༌ དུག༌། ཨིན༌ནའང༌ ཁྱོ༌རང༌ངི༌ ཁོའ༌ ཕམ༌ཀལ༌ཏེ༌ ཁོའེ༌ཀ༌ ཝང༌ ཅོ༌གོས༌།”

སེད༌ ཆེན༌མོ༌ སོང༌ཏེ༌ ཁོའེ༌ ན༌མའ༌ བུ༌ཚ༌ཞིག༌ སྐྱེས༌, ཡང༌ ཁོའེ༌ མིང༌ང༌ ཨེ༌ནོཤ༌ ཏགས༌། ཏེ༌ཏུས༌ནེ༌ ཕར༌ལ༌ མི༌གུན༌ནི༌ དཀོན༌མཆོག༌ག༌ ཡ༌ཝ༌ ཟེར༌ཨིན༌ ཅོལ༌ཅེས༌ གོ༌ཟུག༌།

སྟིང༌ནེ༌ ཡ༌ཝའེ༌ ཀ༌ཡིན༌ལ༌ བྲིའ༌ ཛདས༌, “ཁྱོ༌རང༌ངི༌ ནོ༌ ཨ༌བེལ༌ ཀ༌ནེ༌ ཡོད༌།” ཀ༌ཡིན༌ནི༌ ཟེརས༌, “ང༌ གྱུས༌མེད༌, ཅི༌ ང༌, ངའེ༌ ནོ༌ སྲུང༌ཁན༌ ཨིན༌ནོག༌ག༌?”

ཨིན༌ནའང༌ ཡ༌ཝའེ༌ མོལས༌, “ཁྱོ༌རང༌ངི༌ ཅི༌ ཅོས༌ཏེ༌ ཨིན༌? ཉོན༌, ས༌ཀྱད༌དི༌ ཀ༌ནེ༌ ཁྱོ༌རང༌ངི༌ ནོའེ༌ ཁྲག༌པོའེ༌ ངའ༌ བོད༌དུག༌།

ཨིན༌ནའང༌ ཡ༌ཝའེ༌ ཁོའ༌ མོལས༌, “ཏེ༌ཟུག༌ མ༌ནེ༌ མི༌ཆ༌, ཀལ༌ཏེས༌ སུ༌ཞིག༌གི༌ ཁྱོ༌རང༌ སད༌ན༌ ཏེ༌བོའ༌ ཆད༌པ༌, ཁྱོ༌རང༌ངི༌ སང༌ རྡུན༌ལྡབ༌ མང༌ང༌ ཕོག༌ཨིན༌།” སུ༌ཞིག༌གིའང༌ ཀ༌ཡིན༌ མི༌སད༌ཅེས༌སི༌ ཕིའ༌ ཡ༌ཝའེ༌ ཁོའེ༌ཀ༌ སྟགས༌ གྱབ༌བ༌ ཛདས༌།