Versículos más leídos de la Biblia Mat 2

Compartir

Jemanjajo ŵajinjile m'nyumbamo, piŵam'weni mwanacejo ali ni Maliya mamagwe, papopo ŵatindiŵele ni ŵamlambile mwanacejo. Kaneko ŵagopwele yipanje yawo, ni ŵampele mituka ja golidi,* ubani* ni mawuta gakununjila mnope ga mule.*

Yesu* ŵapagwile msinda wa Betelehemu, mcilambo ca Yudeya, pa ndaŵi jelejo Helodi* ŵaliji mwenye jwa cele cilamboco. Pa jele ndaŵijo, ŵandu ŵane ŵalunda, ŵakumanyilila mnope ya ndondwa, ŵayice ku Yelusalemu kutyocela kungopoko lyuŵa. Jemanjajo ŵaliji mkuwusya kuti, “Ana ali kwapi mwanace jwapagwilejo kuti aŵe mwenye jwa Ayuda? Uwe twajiweni ndondwa jakwe pijakopokaga kungopoko lyuŵaku nipo tuyice kukumlambila jwalakwejo.”

Piŵajiweni ndondwajo, ŵasangalele ni lukondwa lwakupundanganya mnope. Ndondwajo jaliji pasogolo pawo kwalongolela mpaka jajile kwika ni kuja kwima penani pa malo pijwaliji mwanacejo.

Mlungu ŵakalamwisye jemanjajo mu sagamisi kuti akasapitila soni kwa Helodi kula, myoyo ŵapitile litala line pakuwujila kumangwawo. Piŵatyosile ŵandu ŵalunda ŵakumanyilila mnope ya ndondwa ŵala, lilayika lya Ambuje lyamwonecele Yosefe musagamisi ni lyatite kuti, “Mnyakuce mumjigale mwanaceju ni mamagwe, mtilile ku Iguputo. Mkatame kweleko mpaka patinjimsalila, pakuŵa Helodi tacimsosasosa mwanaceju kuti amwulaje.”