Matthaisioi Phrinzangpo 24
24
1Dekana Yeshu rtsangma malseangna bingso skyods, yang lzadrul-bakhanunis khoa rtsangma malsi rtsikchaun stonma khoe shitia yongs. 2Amma, khos khonga tamlaniang mols : Khyontanga dyûn jung thongma meda ? Chhadkhika ngas khyentanga zered : dika yoqa phangcha michhakhan rdoa chikchigang milus. 3Ni, kho sarsingi rîka jukse yodtsana khoe lzadrulbakhanun sosoa khoe shitia yongse dyu zered : Kasa, dyu nam chhok ? Yang yerang skyodpi rshtaḵẖsnao nang namzi thsangse rshtaḵẖsnao chi in zere ngachâ shodang.
4Yang Yeshus tamlaniang khonga mols : Suga kaṯo khyentang lamstorla tangkhanpoa snanga jaqshik! 5Chiazerbana mangmo ngi mingtaḵẖs peka yongnuk; yang rang Masih in zere zeruk; yang mangmo lamstorla tangnuk.
6Ni, khyentanga thamoe rshmangeang yang thamoe speraun thsorcha yod, snanga jaqshik yang droqs madroqshik chiazerbana dyûn medkhamed chhacha in, amma darang thamao damsha men. 7Chiazerbana rgyastrid nang rgyastrid, mithsir nang mithsir thamspa langsuk, yang malsa mangmoeka zanrshkon nang sangul chhok. 8Amma, dyûn jung naḵẖs-dombi ryaḵẖsao in. 9Detsana khongunis khyentang dombi laoa tangnuk, yang khyentang saduk; yang mithsirun jungis ngi mingtaḵẖspoe phya khyentanga khon bok. 10Yang detsana mi-mangmo ḵẖaṯe rgyabse eos eo zunma stanuk, yang, khontang chikchiga khon bok. 11Yang rdzoni khyenkhan mangmo bingse mangmo lamstorla tangnuk. 12Yang lasnganun thoskhan chhachi snyedika mangmoe rgalukspo grangmo chhok. 13Amma, juk thsaqpa thyaqpa bakhanpoa khomluks thobtuk. 14Yang mithsirun tsoqa chhebjiargyastridi di rgaskadpo miyul saqeang gochukcha chhok; yang, detsana thama damsha in. 15Dephya Daniel khyenkhanis rshmang baskhan de thsetu inkhan shikchukkhanpo Rtsangma malseka langshao khyentanga thongmana — shoqbu silkhanpoa chhudchuk — 16detsana Yudayeang yodkhanun riunla shorshik! 17Hyendaqa yodkhanpo rangi khangmeang chi thongshik phingse khyercha yoqa babse machhachuk. 18Yang rshkadanga yodkhanpo rangi gonchi phya loqse masong. 19Amma, de jaquniang skyecha yodkhanunla nang pipi tangen yodkhanunla domba. 20Yang khyenti shorchao rgundus nang dalbi jaqa masongshik zere Ashipa-a laqpa zunshik. 21Chiazerbana detsana miyuli ryaḵẖsikana tangspao dare thsaqpa mana masongkhan yang mana michhacha yodkhan ḏinda rshanṯe dombek hlebcha in. 22Yang taqdir de jaquni duspo skumcha masongmin na gasui stroqang mibudpat; amma rdamcha songkhanuni phya de jaquni duspo skumcha chhok. 23Detsana taqdir suga katos : ltosang Masih dika hana deka yod zere khyentanga zesna doa machheshik. 24Chiazer-bana rdzoni Masihun nang rdzoni khyenkhanun langsuk, yang taqdir khonga nyanna, rdamcha songkhanunang lamstorla tangmatsok base chhô rgyalbariks lasun nang stodpariks rshtaḵẖsnaun stanuk. 25Misto, ngas khyentanga waḵẖsla zere jaqsed. 26Dephya, taqdir khongis khyentanga : De, kho thangeka yod zere zesna, phyistâ bingse masongshik. Ltosang; kho ḵẖuṯûniang yod zere zesna, ni chhes ma chheshik. 27Chiazerbana shari phyoqsikana hloq bingse nubphyoqs thsaqpa ngonma na tsoḵẖspo Mi-i Buthsi skyodzoang do natsoḵẖs chhok. 28Ro yodseka thangkar damsuk. 29Ni de damshi jaquni jukna dyanatsuga nyimao ṯhup chhok, yang lzairmo rangi odpo mitang, yang skarmaun rshnamikana buduk, yang rshnamuni khyudun daruk. 30Yang detsena Mi-i Buthsi rshtaḵẖsnaun rslmsmiang ngonuk; yang, detsana seka yodkhan mî phrosnaun jungis qo bok, yang khongunla Mi-i Buthsao rshnami sprinunika chhezbrel nang khyud nadrese skyodchao thongnuk. 31Yang khos rangi skokhanun skad thonmo yodkhan kharshnek nadrese tangnuk, yang dounis rshnami di ltek thama na tangspao eltek thama thsaqpa hlung yongmi ngos jbjikoekana rangi rdamcha songkhanun zdamse khyongnuk. 32Yang seyabi staqjlkana spekhi tam chikchik ltsabshik : De musẖurun hasa songse loma bingmana zbyarpo nyemoa songspao khyentanga rshtaḵẖspa chhed. 33Dyao natsoḵẖspo khyentangang dyun jung thongmana do nyemoa hlebsed dobasang Mi-i Buthsao zgo rtsega hlebsed zere khyentanga sheshik! 34Chhadkhika, ngas khyentanga zered : dyûn jung gangrgya chhachha thsaqpa di mithsirpo mana michhad. 35Rshnam nang sao menma chhok amma, ngi speraun jikcha michha. 36Amma, de jaqpo nang dusthsodpo ngi atao tsa mene, suâng, rshnamuni skokhanunla-ang rshtaḵẖspa med. 37Amma, Noê dusiang songspana tsoḵẖspo Mi-i Buthsi skyodzoang chhok. 38Chiazerbana chhuloq basang snani jaqunika Noê nayoeang jukjuk thsaqpa miunis zen thungen, ane jaqen, daqpoa dugen yodpin.
39Yang chhuloqpo yongse khontang jung khyer khyerpo khongunla rshtaḵẖspa masongmin; dyanatsoḵẖspo Mi-i Buthsi skyodzoang chhok. 40Detsana rshkadanga mi nyis duktuk chikchikpo thyaqse khyercha chhok e chikchikpo lusha chhok. 41Ranthaq skoren dukkhan ane nyis duktuk, chikchikpo thyaqse khyercha chhok, e chikchikpo lusha chhok. 42Dephya nyid thsade dukshik chiazerbana khyenti Ashipao ga thoeang skyoded zerchao khyentanga rshtaḵẖspa med. 43Amma, dyu khyentanga shese dukshik: taqdir thsani ga poeang rshkunmao yongsed zerchao khangmi ashipawa rshtaḵẖspa yodsukpin na kho nyid thsade dukse rangi khangmawa rshkunmas qom phud michukpat. 44Dephya khyentang saq chetaq songse dukshik. Chiazerbana khyenti sambeang medkhan dya dusthsod-peka Mi-i Bithsao yonged. 45Ni, ashipaos rangi khangmapaunika tho thoeka dounla zacha tangma rgo base jaqskhan de snangachan chhespa tsonpo su in ?
46Khores dya tsoḵẖs ben rangi ashipao yongse thongskhan tsonpo rgamochan in. 47Chhadkhika ngas khyentanga zered : de ashipaos rangi yodkhanun jungika kho rgo base jaqtuk. 48Amma, taqdir nganpa tsonpos, ngari ashipao yongma gorba zere snyingiang samsna, 49yang rangi ashipa chikchik yodkhan tsonun rdungma ryaḵẖsna yang chhang thungkhan rarosun nadrese zen thungen duksna, 50khorang de chhadkha medpi jaqpoa nang rangi sambeang medkhan dusthsod chiga de tsonpe ashipao yongse, 51kho rshtubse nyis base khoe poskalpo ngarchhes bakhanun nanyambo tangnuk : der nguchao nang so murchao dukcha in.
Actualmente seleccionado:
Matthaisioi Phrinzangpo 24: SOMA
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© Société Biblique de Genève