Matthaisioi Phrinzangpo 23
23
1Dekana Yeshu mibongsuni nang rangî lzadrulbakhanunla spera tangse, 2dyu mols : Chhos zbrikhanun nang Pharisiapiun Moshee khrîka duksed. 3Dephya khongunis khyentanga bos zeskhanun jung itu jaqse gangrgya chha chukshik; amma, khongunis bazo khyentesang mabashik; chiazerba-na khongunis bos zerbao zered yang khontes bamed. 4Chiazerbana khongunis lshinte mithyaqcha yodkhan khurun chinged yang miuni shulunika kaled, amma khontanga rangi zugu chikchik na-ang phulsnyi med. 5Yang, khongunis baskhan lasun jung miunla stanmi mingna bed. Ona, khongunis rangi tabizpo chho bed yang gonchi thozurun phalchan tsemsed. 6Ni gronyodsauniang gyenla songse dukchao nang rshmaqdus sauniang snani thsirpeang dukchao thobcha rgothsiged. 7Yang hatia chhana khontanga ju bachao nang miunis kasa Rabbi zerchawa (khonga thobcha rgothsiged). 8Amma, khyentanga Rabbi taḵẖs machukshik chiazerbana khyentanga ltsabkhanpo chikchik (tsa) yod, yang khyentang jung chikchigi phono in. 9Yang seka sua khyenti atao in. 10Yang khyentanga lamstankhan taḵẖs machukshik chiazerbana khyenti lamstankhanpo Masih (tsa) in. 11Dobasang khyentiang yodkhan saq basang chhô khyenti jabsthoq bakhan dukcha in. 12Yang gasus khores khorang thosshuksna babsmo chhok, yang gasus khores khorang babchuksna thoskhan chhok.
13[Wa chhos zbrikhanun nang pharisiapaun ngarchanun! khyentanga domba, chiazerbana khyentes snyaḵẖsika rchorchao ringmo base daqpo shikhan aneuni khangmaun zed, dephya khyentika mangmo naḵẖs phoqtuk.] 14Wahunik! chhos zbrikhanun nang pharisiapaun ngarchanun, khyentanga domba, chiazerbana khyentes rshnamuni rgyastridpe zgo miuni rdonga chaded yang khyentang deang jukspa med hana deang jukskhanunla khyentes jukchukpa thadpang med. 15Wa chhozbrikhanun nang Pharisiapaun ngarchanun, khyentanga domba, chiazerbana khyentes michikchik chhosiang lzoqchi mingna rgyamthsoeka nang byathangeang khored; yang kho chhospa chhana khyentes kho khyentang basang nyisloq rostraqsi buthsao chhachuged. 16Wa jarba lamstankhanun, khyentanga domba chiazerbana khyentes rangi chhoskhangpo nadrese Na borsna doa changmed, amma rangi chhoskhangi serpo nadrese Na borsna do ganrgya chhachukchao deka gra in zere zered. 17Wa ldadmedun nang jarbaun! Chi, serpo rtsangma bachukkhan chhos khangpo hana serpo khorang rgyala ina ? 18Yang dyuang khyentes zored : Gasus skal tangmi sao nadrese Na borsna doa changmed, amma, skalpo khorang nadrese Na borsna do gangrgya chhachukchao khoeka gra in.
19Wa ldadmedun nang jarbaun, chi, skal o rtsangma bachukkhan skal tangmi sao hana skalpo khorang chhô ina ? 20Dephya gasus skal tangmi sao nadrese Na bore do nadrese yang deka yodkhanun jung nadrese Na borspa natsoḵẖs in. 21Yang gasus chhoskhangpo nadrese Na borsnarek dos dona drese deang skyode jukse yodkhanpo nadrese Na borspa natsoḵẖs in. 22Yang gasus rshnampo nadrese Na borsna, Ashipi khriyu nadrese yang de jukse yodkhanpo nadrese Na borspa natsoḵẖs in. 23Wa chhos zbrikhanun nang Pharisiapaun ngarclianun, khyentanga domba chiazerbana khyentes phololing nang thumburuk nang thaleka po rchui poek bab tanged, yang (khakhrimsi) jung basang thsathsa inkhan : koqshads nang snying thsikchiluks nang chhosluks khyentes phangsed; amma dounang bachao yang ewang miphangchao rsha inmin. 24Wa, jarba lamstankhanun, khyentes zbrangbu thsaqse phangse rsmgabong rshmided.
25Wa, chhos zbrikhanun nang Pharisiapaun ngarchanun, khyentanga domba, chiazerbana karyolpo nang tawaqpe phyistao khyentes daqchukse de nang ljongspo heṯi nahg raqroqika gangse yod. 26Wa, jarba pharisiapaun phyistao daqchukcha snanla karyolpo nang tawaqpe nang ljongspo kruse daqchuk. 27Wa, chhos zbrikhanun nang Pharisiapaun ngarchanun, khyentanga domba, chiazorbana khyentang phyistao rdemo stankhan rtsikar tangskhan rongkhang natsoḵẖs in, amma douni nang ljongspo shimiuni ruspa nang rabrob jungika gangse yod. 28Dya na tsoḵẖspo khyentes dyatsuga phyisteka miunla khadrang staned, amma khyenti nang ltarpo ngar nang lasngani gangse yod. 29Wa, chhos zbrikhanun nang Pharisiapaun ngarchanun, khyentanga domba chiazerbana khyentes phrin gochukkhanuni durkhang rchose khadranguni shikhan jaqkhan baho-unla rchokha bed. 30Yang dyu zered : taqdir ngacha ngachi mespouni jaquniang yodsukpin na khong nadrese khyenkhanuni khraq hlukchiang ngacha midrespat. 31Dyana zosteka khyentang khyenkhanuni sadkhanuni buthsaun in zere khyentes chhebji phed. 32Yang khyentes khyenti ata apouni (nyespi) breo skangshik! 33Wa, zbrulun naqzbrulla skyeskhanun, rostraqsi naḵẖspeangna khyentang gatsuga buduk ? 34Dephya ltashik, ngas phrin gochukkhanun nang shangs yodkhanun nang chhos zbrikhanun khyenti shitia tangsed; douniangna khachik khyentes saduk, yang kaṯo shinga spyaruk, yang khachigika khyenti rshmaqdus-sauniang khyentes rshtalchaqs tangse yulyul la naḵẖs stanon skoruk. 35Dephya khadrangi Aboli khraqpoekana tangspao nang skal tangsi bariang khyentes sadskhan Barakhiosi buthsa Zakhariosi khraqpo thsaqpa se rdongika hlukcha songkhan khadranguni khraqpo tsoq khyontika yongnuk. 36Chhadkhika, ngas khyentanga zered, dyun jung di mithsirpeka yongnuk. 37Ho, khyenkhanun sadkhan yang khyenti shitia tangcha song-hanunla rdoarub bakhan Yerusalem, ho Yerusalem! Byas rangi byaphrun shoqlui yoqa zdamse malchik jaqpa natsoḵẖspo khyeri phrûn res tsam ngas zdamse malchik bok sams ? Amma, khyentang mathad. 38ltashik, khyenti khangmao khyentanga khanggoq base phangcha chhed. 39Chiazerbana ngas khyentanga zered : Ashipi mingtaḵẖspoka yongkhanpos stodkha songshik, khyontes zerzer thsaqpa dejukna khyontanga nga yang mithong.
Actualmente seleccionado:
Matthaisioi Phrinzangpo 23: SOMA
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© Société Biblique de Genève