Matthaisioi Phrinzangpo 19
19
1Yang, Yeshus di tanun thsar chuksena ḏinḏek song : Kho Galilayeangna bingse Yordani pharkha Yudaye yuli thamauniang skyods. 2Yang mibongs mangmo khoe lzâ song; yang khos khongun der noro chhachuks.
3Yang Pharisiapaun khoe shitia yongse khoa thiks chad bas, yang dyu tris: Michiga rangi anewa ga snyad chigika shaqma tangma dodeda ? 4Amma, tamlaniang khos mols : ldanchukkhanpos ryaḵẖsiang na doun khyoqa buthsa nang bomobuthsa base ldanchuks. 5Yang mols: Dya ne phya miyus rangi ata nang amao na chaduk, yang rangi aneo na chikchhok yang nyiska stroqchik rgochik base dukcha chhok zerchi khyentanga/shoqbuiang ltase thongspameda/? 6Dekana dare khong nyis men dobasang rgochik in. Ni, Ashipas griks khanpo miunis bar phe machuks. 7Khongunis khoa jus : Ni, Moshes shaqma tangskhan shugu tangse aneo na bar phes zere chia mols ? 8Khos khongunla mols : Khyenti rdoasnyingpoe phya khyenti aneunla shaqma tangchao Moshes khyentanga dodchukse jaqs; do in nâng ryaḵẖsiangna dinda med suk. 9Amma, ngas khyentanga zerod : taqdir suga katos rangi anewa rtsoqpo lasi snyadchik medpa shaqma tangse yang chikchik baqston base jaqsna do loli baspa na tsoḵẖs in. Yang suga katos de shaqma tangskhan aneo baqston base jaqsna loli baspa na tsoḵẖs in. 10Khoe lzadrulbakhanunis khoa jus : taqdir khyoqa buthsi lukiang rangi aneo nadrese ḏinda yodna ane mijaqchao rgyal. 11Amma, khos khonga mols : gochiluks shazde bacha songkhanun tsa mene de sperao saqa chhudcha men. 12Chiazerbana ami ltoeangna brongpa skyedcha songkhan khachik duged, yang miunis brongpa baskhan brongpeang khachik duged, yang rshnamuni rgyastridpe phya rangis rang brong baskhan brongpa khachik duged. Koqpeang chhudkhanpoa chhudang.
13Dokana chaqtse phru kaṯo Yeshus khongika laqpa hlanuk yang Ashipa-a laqpa zunuk zere khoe shitia khyongs; amma lzadrulbakhanunis khonga khathsiks bas. 14Bana, Yeshus mols : chaqtse phrûn yongchuk yang dounla ngi shitia msyong mazershik; chiazerbana rshnamuni rgyastridpo dyûn tsoḵẖsuni in. 15Ni, khos laqpa dounika hlanena dekana langseskyods.
16Yang ltosang, chikchik khoe shitia yongse jus : Kasa noro ltsabkhan, nga rshtane dukchi sonluks thobcha ngas chi noro lashik ba ? 17Ni, khos khoa mols : khyeres ngâ noro chia zered ? Ashipa mene su noro men. Amma, taqdir khyerang sonluksiang juksuk samedna ni, khyerang khakhrimsi molchaunika drulang. 18Khos khoa jus : Kasa, ga molchaun ? Ni, Yeshus mols : khyores mi masod; khyores loli mabos; khyeros mars ; khyeres rdzoni c chhebji maphes; 19khyeros rangi ata nang amâ yasharin bos; yang khyeres khyerang rgao na tsoḵẖspo khyeri khyimtsespawang rgasang. 20De naso thsuntse mis khoa jus : Doun jung ngas gangrgya based; ngika yang chilus ?
21Yeshus khoa mols : taqdir khyerang gangrgya chhok samedna, songse khyeri laqa yodkhanun tsongso nyal-bachanunla tong. Yang khyeranga rshnamuiang serok thobtuk; yang ngi lzâ yong. 22Amma, de naso thsuntse miwa de sperao goana qolṯochan songse druls : chiazerbana kho mana nordaq inmin.
23Ni, Yeshus rangi lzadrulbakhanunla mols : Chhadkhika, ngas khyontanga zored: nordaq miwa rshnamuni rgyastridpeang jukchao rshkablas in. 24Ngas yang khyontanga zered : nordaq mia Ashipi rgyastridiang jukshao basang khabi migis rshngabong bingchao thep ltsamo in. 25Yang lzadrulbakhanunla do goana mangmo rgyalena jus : ni, khomlukspo sua thobcha khyuded ? 26Ni, Yeshus khonga ltasena mols : miunla dyao minyanchas in, amma Ashipa-a jung nyanchas in.
27Dekana Petrosis khoa tamlaniang jus : Kasa, ziksang, ngachas saq phangs yang yori lzâ yongs, ni, ngacha chi chhok ? 28Ni, Yeshus khonga mols : Chhadkhika, ngas khyentanga zered, khyentang ngi lza yongkhanun soma ldanlukspeang Adami buthsao rangi chhezbreliang khri-ika dukspi thoa khyentangang khri chunyisika dukso Israeloi mithsir chunyispoka shaḵẖs bok. 29Yang gasus khangmaun, hana phonoun, hana achhe-nomoun, hana ata, hana ama, hana phrun, hana sakyadun ngi mingtaḵẖspe phya phangsna khoa rgyaloq thobtuk yang sonluksi thobthsir thobkhan chhok. 30Amma, snapa mangmo, jukpa chhok; jukpa mangmo snapa chhok.
Actualmente seleccionado:
Matthaisioi Phrinzangpo 19: SOMA
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© Société Biblique de Genève