Matthaisioi Phrinzangpo 20
20
1Chiazerbana rshnamuni rgyastridpo michigis rangi rgunthsaspeang hla lchare mi tangmi mingna sngamoa phyista songkhan khanggo natsoḵẖs in. 2Yang, khos lasmiun nadrese myini jahujaphed chikchik chhad basena doun rangi rgunthsaspeang tangs. 3Yang kho dusthsod sumika phyistâ songsena yang mingga khachik hatia detsuga tonmedla langse yodpao khoa thong. 4Dekana khos khonga zes : Khyentangang ngi rgunthsasgeang songshik! Khyenti ngika phoqchao ngas khyentanga tangnuk. 5Ni, khong song. Dekana dusthsod truk nang rgu tsega yang phyistâ songso dya tsoḵẖspo bas. 6Ni (dusthsod) chukshigika kho phyistâ chhana yang mingga khachik langse yodpao khoa thong. Yang khonga zes : nyimao rshar khyentang dir tonmodla chia langse duged ?
7Khongis khoa zered : sus ngacha hla lcharba makhyerbana chiuk ? Khos khonga zes : Khyentangang rgunthsaspeang songshik. 8Ni, rgongs ranmana rgunthsaspe Ashipaos ransi rgoskinpoa zered : lasmiunla yong zoro khyongse jukpaunikana tangspao snapaun thsaqpa khongi hlaun tong. 9Ni, dusthsod chukshigika khyongskhanun yongse dounla jahu-japhed chikchik thop. 10Yang snapaun yongse khonga mangmo thobtuk zere samedpin; dounlang jahujaphed chikchik hla thop. 11Ni, khonga do thobana khangmi khanggoa gotrud basen, 12zes : Di jukpaunis dusthsodchik tsa las bas, yang nyimi narpao nang thsadpo thyaqsen yodkhan ngacha nang khong yeres ḏanḏa based. 13Amma, khongiangna chikchiga khos tamlaniang zes : wa rgakhan, ngas khyeranga loqphar chik chang bamed; khyerang jahujaphed chikchigangana magada ? 14Khycri haqpo khure song. Amma khycranga tangspao tsek di jukpawang tangchawa nga thaded. 15Ona, ngari norika ngarang ranmao bachao ngâ dodpa meda ? Hana nga rgyala yodpi phya khyerang mik nganchan chheda ? 16Dyana tsoḵẖspo jukspao snapa chhok yang snapao jukpa chhok. Chiazerbana mangmoa yong zere tangs, amma, nyutse sale-pheskhan song.
17Yang, Yoshu Yerusalemiang skyodtsana khos lzadrulbakhan chunyispo phese khyers, yang lama khonga mols: 18Ltashik, ngantang gyenla Yerusalema chhed, yang Adami Buthsao kohenuni gowaun nang chhos zbrikhanuni laqa tangcha chhok; yang khongunis khoeka sadchi shaḵẖs pheok. 19Yang jargad ba, yang katigi chaqpena tangma, yang kaṯo shingika phingma, janmi thsiruni laqa tangnuk; yang jaq sumi jaqa kho soneltsangchachhok.
20Dya thoa Zebedaiai buthsa nyiskoe amaos rangi buthsa nyiska nadrese khoa stodkha ben dyanda kaṯo tria yongs. 21Yeshus khoa mols: Khyeranga chi rgosed ? Khos khoa jus : Yeres ngi di buthsa nyiska yeri rgyastridpeangnuk chikpo yeri trangljongsla yong, chikpo yeri yonljongsla dukcha bazadang. 22Amma, Yeshus tamlaniang mols : khyentos chi juid zerchao khyontanga rshtaḵẖspâng med. Ngâ thungcha yodlrhan de koreo khyentanga thungma nyanoda ? Khong nyiskas ngacha nyaned zere jus : 23Khos khonga mols : chhadkhika ngi koreo khyontes na thungnuk, amma, ngi ati rolna chetaq bacha songkhanunla mene ngi trangljcngs nang yorljongsla suang dukchukchao ngiang med. 24Yang lzadrulbakhanun rchukawa dyu goana de phono nyiskoka kha yongs. 25Amma, Yeshus khonga shitia yong zere khyongse mols : E janmi mithsiruni rgyalchos bakhanunis khongun ashi bed yang chhôunis khongunika wang struled zerchao khyentanga rshtaḵẖspa yod. 26Do in nâng khyentang chikchigi bariang denda michha. Dobasang khyentang chikchigi bariang gasua chhô duk-chuk. 27Yong khyontang chikchigi bariang sua gowa base duktuk samedna dos khyenti tson base dukchuk. 28Adami Buthsa natsoḵẖspo khoranga jobsthoq bachukcha mayongs, dobasang khores jabshiang dukpa yang mi mangmoe phya rangi stroqpo stroqskinla tangma (yongs).
29Yong khong Yerikho-eangna bingso chhatsana rshmaqchik mangmook khoe lzâ yongs. 30Yang ltosang, jarba nyis lami zurika dukse yodsuk, Yeshu des skyoded zere khonga goana khongis kustabon jus : Kasa ashipa, Dawidi Rshras, ngacha zdikpa thsorba zadang. 31Amma, mithsounis dounla zodo duk zere zings; amma, khongis snani basang mangmo kustabso zeren duk; Kasa Ashipa Dawidi Rshras ngacha zdikpa thsorshik! 32-33Yang Yeshu ḏang langs yang khonga yong zore khyongse mols : Ngas khyentanga chi bachawa thaduk ? khongis khoa juid : Kasa Ashipa ngachi migun phochukchawa (thaduk ju) 34Ni, Yeshua snying thsikse khongi migunla thus bas; yang dya bangs khurika khong thongldian songse khoe jukna yongs.
Actualmente seleccionado:
Matthaisioi Phrinzangpo 20: SOMA
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© Société Biblique de Genève