মার্ক 16
16
আসিইগো অংম্রাংখ্রাং
(মথি ২৮:১-৮; লূক ২৪:১-১২; যোহন ২০:১-১০)
1সাদাং রাক রুয়েংব্রিনক মগদলীনী মরিয়ম, যাকোব মিখাংনা শালোমীচা যীশু আলংমা কেইংফু কিজু, আম্যুয়িং ছিঃ ওয়িরো য়ুখাগেতি। 2খাহলিঃ পাথামা রাকনিক কংগং চঃজঃগা, নিং থুঃওয়কতি খ্যাং খ্যাং য়াংসুউরোচা সাংখ্যুয়েংদুঃ লাঃখাগেতি। 3য়াংখা য়াংসুউরো তয়ককো তয়ক মিংগেলিরি, “সাংখ্যুয়েং আওয়াগা থুউ ক্যকলুংগো যাসু রুইকফুলিঃ?”
4ছুগি য়াংসুউরো ম্রাংগেরিখাগা, ক্যকলুংগো রুইকপ্রিব্যা। য়াং ক্যকলুংচা কংগং আগ্রিই হিকলিইরি। 5সাংখ্যুয়েং আথিঃদুঃ ওয়ংরো য়াংসুউরো ম্রাংগেলিরি, আওয়ে আপ্রই ওয়েরো ঞাফাক্কা আপ্যুও য়ক্ক্যা তয়ক থৈংরো হিকরি। য়জংম্রাংখা য়াংসুউরো কংগং এংঅগেলিইরি। 6থুউ আপ্যুওচা প্রলিরি, “মেএংঅগেকি। নাসরত রুওয়াগা যীশু, যাসুউগো থুউ খেকেরি, য়াংসুউগো নাংরো হ্রাগেতিয়াং? য়াংসুউ দিঃমা মিহিক, য়াংসুউ হ্রাং থাঃখাব্যা। যাদেমা য়াংসুউরো, য়াংসুউগো থাঃগেরি, য়াং আঃরাগো ক্রি। 7য়াংনক নাংরো য়াংসুউ তিবিরোনা পিতরগো প্রগেলি, যীশুচা য়াংসুউরো হ্রিঃগা গালীলদুঃ লাঃফু। যীশু যাপুয়েং য়াংসুউরোগু প্রলিইরিলি, য়াংপুয়েং য়াংসুউরো য়াংদেমা যীশুগো আম্রাং রাঃলিইমি।”
8য়াং মিঃমারোচা তুখু মিসিইব্রি ঙোরো সাংখ্যুয়েং আখংগা থুওয়ক লাঃগেলিরি অর য়াংচাগা ব্রিঃ লাঃখাগেতি। য়াংসুউরো কংগং ক্রককেলিইরি, য়াংচা কিজু তয়ককো তুখুউলি মঃপ্রগেলিইব্যা।
আস্যাং যীশু তিবিরোগু আম্রাং পিইলিরি
(মথি ২৮:৯-২০; লূক ২৪:১৩-৪৯; যোহন ২০:১১-২৩; যোহন ২০:১১-১৮)
9খাঃলিঃ পাথামা রাক চঃজঃগা যীশু আসিইগা আহ্রাং ফ্রই থাঃলিরি। নক্কা যীশুচা মগদলীনী মরিয়মগো আম্রাং পিইলিরি। দিঃ মরিয়ম আথিইগা যীশুচা খঃহ্নইখক মকং নেঃকো ঙাং থুকলিইরি। 10যীশুগো আম্রাং রাঃব্রিনক মরিয়মচা যীশুনা যাসুরো নিংগেতি, য়াংসুউরোগু সাদাং পিইলিরি। য়াং আখিংমা য়াংসুউরোচা চিই দুঃখুওয়ানা ঙোঃ হিকগেলিরি। 11যীশু আহ্রাং ফ্রইরি অর মরিয়ম ম্রাংরি, দিঃ চাঃগাগো ক্রারো য়াংসুউরো মুক্যুংগেলি।
12য়াংনক যীশু তিবি হ্নইয়ক যাখা সুওয়ারো রুওয়া লেংমা লাঃগেতিখা, য়াংখা যীশু আখ্রা পুং ছংরো তিবিরোগু প্রালিইরি। 13য়াংসুউরো প্রেং লাঃরো আখ্রা লুঃউরোগু সাদাং পিইগেলিরি, ছুগি য়াংসুউরো চাঃগাগোলি আখ্রা তিবিরোচা মুক্যুংগেলি।
14য়াংনক যীশুচা কোঃ তিবি তিছিতয়ককো আম্রাং পিইলিরি। য়াংখা য়াংসুউরো চাঃগেতি। আক্যুং মিহিক অর চিই নুনুং কেইংরি কিজু যীশুচা তিবিরোগু হকলিরি, আক্রংগা যীশু আসিইগা আহ্রাং ফ্রই থাঃব্রিনক, যাসুরো যীশুগো আম্রাং রাঃগেরি-য়াংসুউরো চাঃগাগো তিবিরোচা মুক্যুংগেলি। 15যীশু য়াং তিবিরোগু প্রলিরি, “নাংরো কাবামা আলুঃউং আঃরাদুঃ লাঃগেলি অর আলুংসুউ বামা থাওরা ফুরা ঈ আকং সাদাংগো হঃপ্রাগেলি। 16খ্যাংসুউমুছু ক্যুংরি অর রিঃঙুক মাঙ্গালাগো লাক খেংরিছুগি, য়াংসুউ আপ্রইইকা ক্যুয়েমি; ছুগি যাসু মুক্যুংলি য়াংসুউগো থাওরা ফুরাচা আপ্রইস্যাংছুরো ডেং খ্যামি। 17যাসুরো ক্যুংগেতি য়াংসুউরোমা দিঃ লুঃউম্যুইং ম্রাংরামি-ঙা নাঃমিনা য়াংসুউরো মকং নেঃকো ঙাং থুউলিইমি, য়াংসুউরো আসঃ আসঃ চাঃগা প্রগেলিমি, 18য়াংসুউরো আলাকনা ম্রিং কৈংগেলিমি, য়াংসুউরোরা কংগং আছুয়িংগ্রি তুখু সককিলি, য়াংসুউরো তুখু মফ্রমু, অর য়াংসুউরো সানাসিমা আলাক তাংগি সানাসি কেইংমালিইমিব্যা।”
আস্যাং যীশু নেঃফুংদুঃ তাকখারি
(লূক ২৪:৫০-৫৩; প্রেরিত ১:৯-১১)
19তিবিরোবামা দিঃ চাঃগারো প্রব্রিনক আস্যাং যীশুগো নেঃফুংদুঃ তাং য়ুখারি। য়াংদেমা যীশুচা থাওরা ফুরা ঈ ঞাফাকক ব্রাক্কা থৈংলিরি। 20নক্কা তিবিরোচা আলুং আঃরামা লাঃরো তাঃরা হঃপ্রাগেলিরি। আস্যাংচা য়াংসুউরোগা নিহিংখোরো তিবিরোনা আলুক লুঃউকলিরি অর তিবিরোগু এংঅফুয়ি অলুক লুকফু গুংধ পিইরো, তাং প্রালিরিচাগা, তিবিরো যা তাঃরা হঃরি য়াংচা আম্হেং।
Actualmente seleccionado:
মার্ক 16: BBSRMZ
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión