1 कुरि 2
2
ईसु मसीह कुरूस रेय गोजेना हेना खभेर
1एगा भाईकू, अपे थरे इंञ भगवान राः खभेर लाय लाय तेंञ मेजेना, हेना तोलोग चलहाँकिते चहे बड़ा बुद्ही ते मेनेंञ लाय गडपेआ। 2कहेकि अपे सुदांञ दोहोन तोलोग इंञ नअँञ पसींद तडा कि कुरूस रेकू रकब तेडिया ईसु मसीह छोड़ अवुर कनारा टेबोः एरोंञ पपाड़ी एना। 3इंञ अपे सुदा दोहोन तोलोग कमजोर अवुर धुकपुचोईञूँ, अवुर अखीरिंञ बोर दोहो एनु।#परेरित 18:9 4इंञ टेबोः तोलोग, चहे परचारे तोलोग, मनवाँकू राः गियान ते मोहों कुआ टेबोः मेनेंञ टेबोः गडा; लेकिन पवितर आत्मा राः बल तेंञ टेबोः तेडा, हेना सबूत हो ए-मे दोहो एनु। 5ताकि अपे राः बिसवास मनवाँकू राः गियान रे अलो दोहोनू, बल्कि भगवान राः बल रे टेको कोःऊ।
भगवान राः गियान
6हेंडे रेहो अले, मसीहा थरे बिसवास केते पक्का ते से-नेःकू गियान ले लाय वकू तना, लेकिन नआँ चँवदीस राः, अवुर नआँ चँवदीस रे राज यडकू राः गियान न लगे, हेंकू राः गियान तयोम ते मेटियोआ। 7लेकिन अले लाय यड हेना, भनगवान राः भेद राः गियान हवे, अवुर नआँ गियान पहिल होड़कू मेने कू पपाड़ी दोहो एनु, नआँ गियान, तेह दिन रे भगवान अबू राः मान मरजात होयाः लगाडिय तयार केडा। 8न चँवदीस रे राज यडकू भगवान राः भेद कनय मेने कू जेर गडा, अगर हेंकू जेर तेड रेदो, महिमामय परभु, कुरूस रे एरो कू रकब तेडिय मेनू। 9लेकिन धरमग्रंथ रे नआँ घयते लिखल इदाना,
“भगवान अनेज परेम वकुआ हेंकू लगड ची चीय तयार केडा हेना,
कनय अपन मेड ते मेने कू ञेंलगाडा, न अपन लूतुर ते कनय अँजोम गडा,
अवुर न कनय अपन मन रेकू पसींद तेडा।”
10लेकिन भगवान, हें-ना टेबोः अनेज राः आत्मा राः दोवारा ते अबू थरेय लाय केडा, कहेकि हेंय राः आत्मा सींड़ टेबोः मतलोब भगवान होड़कू लगाडिय पसींद केडा, हेना भेद टेबोः हो टम्बड़ो वेआ। 11कनय जीव राः टेबोः, हेंय राः आत्मा छोड़ कनय एटागी मेनेय पपाड़िआ, हेन घयते भगवान राः आत्मा छोड़, भगवान राः टेबोः कनय मेने पपाड़िआ। 12भगवान अनेज ओवड बुआ हेना टेबोः पपाड़ी लगड, अनेज राः आत्माय ओवड बुआ, दुनिया राः आत्मा#2:12 मनवाँ कुराः सोच बिचार बेगारू। 13भगवान ओवड लेआ हेना टेबोः एटाःकू चेड तोलोग, मनवाँकू राः गियान ते चेडकोआ टेबोः ते मेने ले लायेआ, लेकिन पवितर आत्मा चेडलेआ हेना टेबोः ले लाया। अवुर भगवान राः आत्मा जो सच्चाई लायेआ, हेना टेबोः चेडकू लगड, हेंय राः आत्मा हनवरी ञँमकेना, हेना टेबोः अले काम रेले आगेआ। 14लेकिन जे होड़ थरे पवितर आत्मा कोवाआ,#2:14 दुनिया रेनिय होड़ हेंय पवितर आत्मा लायेआ, हेना टेबोः मेनेय सरी वआ, कहेकि हेंय राः नँजेर रे हेना टेबोः बे-अकील राः टेबोः घयगिआ। अवुर हेना मेनेय जेर सकोआ, कहेकि भगवान राः आत्मा ची मेनते कहनिया, हेना जे थरे भगवान राः आत्मा इदाना, हें-नी भर जे-रेआ। 15जे थरे पवितर आत्मा इदाना, हें-नी होड़ भगवान राः टेबोईय जे-रेआ। लेकिन जे थरे पवितर आत्मा कोवाआ हेंय, जे थरे पवितर आत्मा इदाना, हेंय राः बिचार एरोय जेर सको एना। 16कहेकि धरमग्रंथ रे नआँ घयते लिखल इदाना, “परभु राः मन ईया जे-रेआ? चहे हेंय ईया चेडेया?” लेकिन अबू थरे मसीहा राः मन इदाना।
Actualmente seleccionado:
1 कुरि 2: ksz
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2022, Wycliffe India. All rights reserved.