Versículos bíblicos populares de 1 कुरि 2

Compartir

लेकिन धरमग्रंथ रे नआँ घयते लिखल इदाना, “भगवान अनेज परेम वकुआ हेंकू लगड ची चीय तयार केडा हेना, कनय अपन मेड ते मेने कू ञेंलगाडा, न अपन लूतुर ते कनय अँजोम गडा, अवुर न कनय अपन मन रेकू पसींद तेडा।”

लेकिन जे होड़ थरे पवितर आत्मा कोवाआ, हेंय पवितर आत्मा लायेआ, हेना टेबोः मेनेय सरी वआ, कहेकि हेंय राः नँजेर रे हेना टेबोः बे-अकील राः टेबोः घयगिआ। अवुर हेना मेनेय जेर सकोआ, कहेकि भगवान राः आत्मा ची मेनते कहनिया, हेना जे थरे भगवान राः आत्मा इदाना, हें-नी भर जे-रेआ।

लेकिन भगवान, हें-ना टेबोः अनेज राः आत्मा राः दोवारा ते अबू थरेय लाय केडा, कहेकि हेंय राः आत्मा सींड़ टेबोः मतलोब भगवान होड़कू लगाडिय पसींद केडा, हेना भेद टेबोः हो टम्बड़ो वेआ।

भगवान अनेज ओवड बुआ हेना टेबोः पपाड़ी लगड, अनेज राः आत्माय ओवड बुआ, दुनिया राः आत्मा बेगारू।

इंञ टेबोः तोलोग, चहे परचारे तोलोग, मनवाँकू राः गियान ते मोहों कुआ टेबोः मेनेंञ टेबोः गडा; लेकिन पवितर आत्मा राः बल तेंञ टेबोः तेडा, हेना सबूत हो ए-मे दोहो एनु। ताकि अपे राः बिसवास मनवाँकू राः गियान रे अलो दोहोनू, बल्कि भगवान राः बल रे टेको कोःऊ।