Luke Kilekithi tsa
Kilekithi tsa
Luke eno Apostolmi kaku küma ye kaku kümlà lakhi’w akikishe kini ke. (Apostolmi kaku kilekithi tsa lo kithikiyi yèpüa keu lono Apostolmiw kilekithi tsa chixechilei ithi nike ghenguno Apostolmiw kukusü lo julo). Kaku hiküma lono Jisü pape pe nikeu ghenguno Alhou no kiutoi atüghishi Israel timiqo kukusü shi eno tithiu no shiyeqo kümtsü kukusü shi keno tipau ghili pitsü ani. Kaku akikishe atüghiu lono ithulu akeu ye, Jewmi shiye no xüache keu oking Jerusalem küdau kiu shive keno tipau zümlhü ghili ithulu ani. Kaku akikishe akiniù lono ithulu akeu ye, Jerusalem zümlhü shiye kütamiqo lau wuve keu lono wo Rome yekipe no qhasü pe akeu yeghiqha oking lo Paul no Alhou kükaphu ghili pikeu lono kishekhave akeu ithulu ani.
Luke no paw xüghili pesü Rommi kijemi akiqheu Theophilus vilo piakeu shi ithulu ani. Paw akikishe kakuqo ye pa no kithikiyi pekütsü pe qhipüa chekeu hipaqo lono ke: akiyé yè keqo, atsa pikeqo, ale phe keqo, kicheghüzü shikeqo, kaku jeli yèpeqhi keu eno timi küxü ghili lo akunuputsa jeliqo. Luke kimiji ye Alhou no Israelmi vechewo pa küvü ayeghiqha lau süghi nikeu küpüghü shikupuve keu pìye niye ke. Jisü papemi atüghimiqo ye Jisü no axiné eno akithí shou tokulu shilu keu pesü shiyeqo kümtsü lau asheshu keu vechewo hipau kukulu ikhilu ke.
Kaku akikishe atüghiu lo Luke no Jisü ghili pikeu lo akhotoshi amqo küthü ani:
• Atüghiu, Jisü no Galilee lo mülà keu, tiye Israel yeghi kokütha ahuu ke.
• Tipau shelo, pa ye kicheghüzü kushuwa shisü Jerusalem lo wu, eno tipau ghüzü lo pa no timiqo pelo Alhou kükaphu lo ighi penike kukusü shi eno Israel no itehi tüqhüdo lo Alhou kükaphu ghili ithi pe akeu khü ke.
• Aküthüu shi Luke no ningu vilo Jisü no kíshi pa ye Israel kükau eno ayeghiqha’w kuchou Mpeu kepi pephe-piye nike ghenguno Jerusalem lo pa küxü tsüve eno akithí lono xüchile ithughive keno pitsü ani.
Actualmente seleccionado:
Luke Kilekithi tsa: STB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.