Versículos bíblicos populares de रोमि 3

Compartir

कहेकि सींड़कू कू पाप केडा, अवुर भगवान राः महिमा वरी कू दूर यना। लेकिन भगवान अनेज राः किरपा ते बिसवासेःकू सेथिया ते धरमिय ठहरो कुआ, हेंय मसीह ईसु राः दोवारा ते नआँ घयतेय करो वेआ, हेंय हेंकू राः पाप वरिय छडो कुआ।

मतलोब भगवान राः नजेर रे धरमी बनोः हेना, ईसु मसीह थरे बिसवासे रे ञँमुआँ, मसीहा थरे बिसवासेःकू सगोरकू नेन याःतेय बनो कुआ, कहेकि कनर भेदभाव कोवाआ।

कहेकि भगवान मसीह ईसु होड़कू राः पाप राः दंड अनेज उपर रे रीमे लगाडिय कुलतेडिया, अवुर नेन याःते अनेज रेनकू होड़कू राः पाप राः बिरोध रे, अनेज राः खीस लड़ेज लगाडिय कुलतेडिया। अवुर ईसु मसीह अबू लगड अनानेजिय बलिदान तेडा मेनते, अवुर अनेज राः लोहू अबू लगाडिय बोहो तेडा मेनते कू बिसवासे रे होड़कू धरमिकू ठहरोआ। भगवान अनानेज इंञ धरमी हवे मेनते कहनिय लगड, न घयतेय करो तेडा। भगवान धरमी अवुर सत गिआयू, हेंय हेना तोलोग पहीलाःकू होड़कू राः सहो केते हेंकू राः पाप राः सजा मेनेय एमगड कुआ। कहेकि अब नआँ समय रे अनानेज धरमी गिअंञ मेनते लाये लगड, ईसु अबू सगोरकू राः पाप राः दंड रिम लगाडिय एमतेडिया। हेंय नेन लगाडिय करो तेडा कि हेंय सही सही तेय न्याये लगड अवुर पाप राः दंड एम लगड, अवुर कनय हो ईसु थरे कू बिसवासेआ हेंकू धरमी ठहरोकू लगड न घयतेय करो तेडा।

कहेकि धरम नियम राः काम ते कनय होड़ भगवान राः मड़ंग रे धरमी एरोय बनो सको एना, कारन ए हवे कि धरम नियम राः दोवारा ते पाप ची हवे हेना बू जेर सकोआ।

धरमग्रंथ रे लिखल इदाना, “कनय धरमी कोवा कुआ, मियाँहोड़ हो कोवा कुआ। कनय समझदार कोवा कुआ, कनय भगवान छपाकू कोवा कुआ। सगोरकू अडियाना कू, सींड़ेकू बे-कमा यनाकू; कनय भलाई करे वालाकू कोवा कुआ, मियाँहोड़ हो कोवा कुआ।

हेनाते अबू धरम नियम मनो केते मेने, मसीहा थरे बिसवास केते धरमी बू ठहरोआ।

जरूरिय पूराया! नआँ दुनिया रे सगोरकू जलिया कू बनो यन रेहो, भगवान सच्‍चा गिआयू, धरमग्रंथ रे नआँ याःते लिखल इदाना, “अम होड़कू राः पाप राः बारे ते ची चीम कहनी केडा, हेना टेबोः सही गिआ मेनते कू कहनिया, अवुर होड़कू अम कू दोस तोलोग जीतो अमू।”