Versículos bíblicos populares de रोमि 2

Compartir

ए मनवाँ, अम दो न घयते कामेः कुम दो-सा, लेकिन खुद अम हेना काम मी कामा; अम अड़ींग तना किदो भगवान सजा एरोय ओवाडिञाँ मेनते? भगवान अम थरे अखीरिय दयाः तना, अवुर हेंय अमाः अखीरिय सहो यडा, अम मन मी मिड़ाआ मेनते हेंय आँमिय तँगी यडमिआँ, लेकिन अम नआँय दया वम तना, हेना कनर याःते मेनेम बुझो यडा किदो? हेंय अम मन मी मिड़ाः मेनतेय समझो यडमिआँ। तीमिनिय सहो यडा, हेनाते अम थरेय दयाः तना।

हेनाते, हेंकू तीमिन बुरा होड़कू हवे मेनते पे कहनी यडा जहानू, लेकिन ए, एटाःकू थरे दोस लगो कू होड़कू, भले न अम कनय हवे, कनर बहाना एरोम बनो सको एना, जे टेबोः रे अम एटाःकुम दो-सा, हें-ना टेबोः रे अनम दो-सुः तना, कहेकि अम एटाःकुम दो-सा, अवुर हेना अम खुदेम कामेआँ।

कहेकि भगवान मुँह चिन चिन ते कनय राः मेनेय न्यायेआ।

कहेकि भगवान राः नँजेर रे धरम नियम अँजोम कू मेने, लेकिन नियम मनोकू धरमिकू ठहरोआ।

कहेकि हेना देवह हेंय सगोरकू अकू राः करम घयते बदलाय ओवा कुआ।

लेकिन जे जे अनाकू राः फयदा लगड पसींदेःकू, अवुर सत मेने मनोकू, अवुर झूठ मनोकू थरे भगवान राः खीस अवुर दंड मेजुआ।

लेकिन अमाः मन कठोर गिआ, अवुर अम एतनाम हठू गिआ, कि अम मन मेनेम बदलो यडा, हेनाते भगवान अनेज खीसुः हेनय प्रगट देवह अवुर हेंय राः सच्‍चा न्यायिय प्रगट देवह अम रोका दंड मी ओड़हो जोमताना।