Versículos bíblicos populares de रोमि 4

Compartir

हेंय बिसवास मेनेय टोविज गडा, अवुर भगवान जबान वडिय हेनारे मेनेय संखा गडा, लेकिन बिसवास रेय मजबूत एना, नेन घयते भगवान पूराया जबान लगड भगवानिय आदर इजेत तेडा। हेंय पक्‍काय भरोसा तडा कि जे टेबोः लगड भगवान जबान केडा, हेना पूराय लगड हेंय थरे सक्‍ति इदाना।

ने-ना टेबोः धरमग्रंथ रे अबराहम थरेय कहनी तेडा, “इंञ अखीर जातकू रेनिय अपांञ ठहरो केडमिआँ,” अबराहम, गोजकोःकुय जियोआ, अवुर एकेआ वरी अनेज राः टेबोः ते सींड़ चीजिय बनोआ, हेंय भगवान थरेय बिसवास तेडा, हेनाते अबराहम, भगवान राः नँजेर रे अबू रेनिय अपाबू हवे।

अबू कसूर केडा ते भगवान ईसु मसीह कुरूस रे गोजुः लगाडिय एमतेडिया, अवुर अबू धरमी होड़कू ठहरोबू लगाडिय जियो तेडिया।

अबराहम चोंडिजकू होयाः राः असरा मेने दोहो गना, लेकिन हेंय भगवान थरेय बिसवास बगी तडा, अवुर असरा मेनेनेय टोविज गडा, हेनाते अखीर जातकू रेनिय अपय बनो यना। नआँ जेयसे धरमग्रंथ रे लिखल इदाना, हेन घयते होया केना, हेनारे न घयते लिखल इदाना कि “अमाःकू चोंडिजकू इपिलकू घयते अनगिनित कू होयाआ।”

हेनाते भगवान जबान केड हेना, होड़कू बिसवासे रे हेंडेकू ञाँमेआँ। भगवान जबान केड हेना फोकोट ते ञँमुआँ ईनाम घयगिआ। हेनाते न घयते होयाः तना। अबराहम पीढ़ी रेनकू सगोर कुकू ञाँमे मेनते भगवान राः इक्छा इदाना। भगवान जबान केड हेना, जे थरे धरम नियम इदाना हेनकू लगड भर न लगे, लेकिन अबराहम घयतेकू बिसवासेआ, हेंकू लगड हो हवे। कहेकि अबराहम अबू सीड़कू रेनिय अपाबू हवे।

दाऊद राजा हो अनेज लिखो केडा सिरिंग रे न घयतेय लिखो केडा, “जे जे राः कसूर माफ यना, अवुर जे जे राः पापिय तोपो गोत्तेडा, हेंकू आसीस कू ञँमकेडा। अवुर जे होड़ भगवान पापी मेनते मेनेय ठहरोविया, हेंय आसीसिय ञँमकेडा।”

हेनाते धरमग्रंथ न घयते कहनिया, “अब्राहम भगवान थरेय बिसवास तेडा, हेनाते भगवान हेंय राः बिसवास धार्मिक्‍ता हवे मेनतेय गिनो तेडा।”