Versículos bíblicos populares de Lúkasɛ 17

Compartir

Yə́susu a ná Mɔsamália lɛ́na a sɛ́á: «Hɔalɛ́na káka, ɛ́sɛ́á ɔ ná lumínínə, Huɛlɛ́ a ná aŋɔ́á núə́kə́níə́.»

Ábá a ndɔ aŋɔ́á bɔbɛ́á kɛa bikúílí bɛ́lɛ́ndɔ́lɔ́mɔnɔ ɔ buɔsɛ́, a ndáhíáná ɔwáwɔ ɔ ndalɛ́na ɔ ikúílí tɛ́á a sɛ́á: “Mɛ lɛa na isə́hísə́hí”, ɔ ŋɔ wɛɛ́ya niasɛna.»

Ɛnaka wɔmɔtɛ́ ɔ uwəbú ətíə́, á bɛ́bɔ́ŋɔ́ ɔwá a ná niŋə́, a ná tilə́ na əlimə, a ná botólíə́ á Huɛlɛ́ ɔ tuúmə uhíə́niniə na nióni nɛŋɛ́ŋa. A ná ká Yə́susu kɔ́ɛ́na ɔ makɔlɔ́, busíə́ lúmə́tɔ́ ɔ misí, a ná wɛɛ́ya mohóloniə híə́níníə́. Mɔ́táyɛ́ mɔndɔ a ka báá wa Samália.

Nɔ́ bɛ́tátáká muɛsɛ!» «Ábá wawɔ́á mukúlə́kulə a ndɔ bɔbɛ́á kɛa, kɛ́kɛ́lákɛ́ná wɛɛ́ya, ábá a ná sə́hə́kíníə́, niasɛ́ná wɛɛ́ya.

Yə́susu a ná ɛtambá ɛ́tá a sɛ́á: «Tátá bəə́bu niómo bá ná niŋə́ əə́? Mba, hə́níə́ bááyɛ́ ibo bá lɛ́á əə́?

Isə́lúkú a sɛ́á: «Ábá nɔ óso ɔbáá na ilumininə ɛ́sɛ́á mɔsámá wɔ́ hɛlɔa, nɔ ŋɔ óso ɔ bɔ́ɔbɔ bɔlɛ́á ɔlɛna nɔ sɛ́á: “Tɔbá yə́wúə́ mɛkaŋá háha, káka bɛ́nɛ́má ɔ nɔmɔ́”, bɔ́ ŋɔ bənú ɔ́kɛ́na.»

Wɛ́ɛ́yɛ́ ɔwá a ŋɔ siəkə ɔ ɔwayɛ́ buɔmɔ́ unuəniə, a ŋɔ bɔɛ́ta nyúə́kiə, wɛ́ɛ́yɛ́ tɔ́na ɔwá a ŋɔ bɔ́áyɛ́á buɔmɔ́ nyúə́kiə, a ŋɔ bɔɛ́ta nuəkəniə.

Yə́susu a ná báyɛ́á bɔkɔ́nɛna lɛ́na a sɛ́á: «Manya má bɛkɔa má ŋɔ bá bikúílí biəŋí ɔmá bɛndɔ bá sɔ́ ŋɔ kɔtɔ ɔ bɔbɛ́á ɔkɛa. Mba, yatɛ́ ɛmɔ́kɛ́ ɛlɔ́áyɛ́ wɔ́ɔwɔ ɔwá a ndɔ bɔsɔ́kɔ́ nyɛkɛna ɔ bɔbɛ́á! Tɔ óso ukətiə náana ɔwá, yɛ́ lɛa muɛsɛ ɛlɔ́áyɛ́ ayɛ́ ɔwá bá wɛɛ́ya muɔkɔ mɔŋɛ́ŋa ɔ́lɔ́kɔ́kɛ́na ɔ ɛmɛna, bá wɛɛ́ya əmbínə ɔ nɔmɔ́ nuúmə́, yáyɛ́ná ɔ wɛ́ɛ́yɛ́ ɔ mɔtɛ́tɛ́á ɔ ukuəsiə ɔ bɔbɛ́á.

«Yatɛ́ ɔyɛ́á yɛ́ ná bɛ́tɔ́mbáká ɔ ikúílí yɛ́ Nówa, nɔ́yɛ́ yɛ́ ŋɔ bɛ́tɔ́mbáka hɔ́ánánátɔ́ ɔ tunó tɔ́ Mɔná wa mɔndɔ. Bɛndɔ bá ka báá bá ndɔ nɛ́á, bá nyákɛna, bá bəəndú bɛ́lɛakɛna, bá baná lónokiə ɔkafámáká ɔ hinó ɔhɛ́á Nówa a ná fínə́ ɔ isóyí yɛŋɛ́ŋa: Əlimə yɛ nɔ́yɛ́, mulumə wɔ́ ná fɛndáka, bəkimə tɔ́na bá ná wə́kúnə.