Versículos bíblicos populares de Lúkasɛ 16

Compartir

Wɛ́ɛ́yɛ́ ɔwá a lɛ́á na yɔkɛ́nana ɔ bɔkɔa bɔtɛ́tɛ́á, a ŋɔ bá na yɔkɛ́nana ɔ bɔkɔa bɔŋɛ́ŋa, ata ɛ́yánɛ́ ɔwá a lɛ́á na mənímbə́nə́ ɔ bɔkɔa bɔtɛ́tɛ́á, a ŋɔ bá na mənímbə́nə́ ɔ bɔkɔa bɔŋɛ́ŋa.

Ata mɔnyɛna ɔmɔtɛ́, a sá óso ɔnyɛna bisə́lúkú bɛ́fandɛ́; a ŋɔ wəbusíə́ kóyokiə, á wɔ́ɔwɔ hikə́kíə́; ataná, a ŋɔ wɔ́ɔwɔ bɛ́ɔ́lɔ́kɔkɛna, á wə́ní yáŋɔ́nɛ́na. Nɔ sa ósó ɔnyɛna ikúílí ɛ́mɔtɛ́ Huɛlɛ́ na mɔnɛ́á.»

Ábá nɔ lɛ bá na yɔkɛ́nana ɔ maasɛ má yɛ́ɛyɛ misí ɔmá má ndɔ nímbə́nə, ɛ́yánɛ́ a ŋɔ bənú maasɛ má taká índiə əə́? Ábá nɔ lɛ bá na yɔkɛ́nana ɔ maasɛ má bɔsɔ́kɔ́, ɛ́yánɛ́ a ŋɔ bənú índiə yatɛ́ ɔyɛ́á yɛ́ lɛ́á yə́nu əə́?

Ábɛlaháma a sɛ́á: «Ábá bá lɛ ndɔ bilə́líə́ bɛ́ Mósisi ɔ́kɔ, ata mɔndɔ a ŋɔ húlínə ɔ ətíə́ yɛ bəwə́nú, bá sɔ́ ŋɔ bɛ́áyɛ́á bɛtambá luminə.»

«Ata ɛ́yánɛ́ mɔndɔ ɔwá a ná wayɛ́á muəndú búlə́ mbá a ná bɛ́lɛ́ná muinə́muinə́, a ndɔ kɔa ɔ bɔbɛ́á bɔ́ nilókóno; ata ɛ́yánɛ́ ɔwá a ná muəndú bɛ́lɛ́ná ɔwá yayɛ́á ibə́ a ná búlə́, a ndɔ kɔa ɔ bɔbɛ́á bɔ́ nilókóno.»