Malaki 2
2
Ulatapatila bapaizi
1Lino mulazyo oyu nguwanu, nubapaizi, 2#Dt 28:15Na mwakaka kuswiilila akupangika myoyo yanu kumakani aakulemeka izina lyangu, mbwaamba Jehova wamakamu, lino njoomutumina lutuko lwakutusya zyoolwe zyanu. Ee, ncobeni ndazituka kale nkaambo kakuti tamuna kupangika myoyo yanu. 3Nkabela njoomubisizya imbuto, alimwi njoozila bufumba kumeso aanu, nkukuti bufumba bwazipaizyo zyanu, elyo njoomutanda kuzwa kubusyu bwangu. 4#My 3:11-13Aboobo muyooziba kuti ndamutumina Oyu mulazyo kuti cizuminano ncitutangene a-Levi cijatilile, mbwaamba Jehova wamakamu. 5#Dt 33:8; My 25:12Cizuminano cangu ncitutangene awe cakali cabuumi acaluumuno. Ndakamupa nzizyo kuti andilemeke, nkabela wakandilemeka ncobeni akuyoowa izina lyangu. 6#Dan 12:3; Lk 1:16,17; Jak 5:20Mulao wabwini koli mukanwa lyakwe, nkabela teemwakajanwa bubi abuniini mumilomo yakwe. Wakeenda ambe caluumuno acakululama, akusandula banji kuzwa kububi. 7#Dt 17:9; Is 42:19; Hag 1:13; Gal 4:14Nkaambo milomo yamupaizi ileelede kujatisya luzibo, akumilomo yakwe bantu nkubeelede kuyandaula mulao, nkaambo ngonguwe mutumwa wa-Jehova wamakamu, 8#1 Sam 2:17Pele inywe mwapambuka kuzwa munzila, mwalebya bantu banji kumilao yanu, mwatyola cizuminano ca-Levi, mbwaamba Jehova wamakamu. 9Nkaambo kako njoomwaaba kuti musampaulwe akubombesegwa kubantu boonse, nkaambo tamuna kubamba imbeta zyangu, alimwi mulalanga ziwa mukubeteka kwanu.
Makani aakusyomeka mubunyina amulukwatano
10 #
Is 51:2; Mt 3:9; 1 Kor 8:6; Heb 12:9; Int 100:3 Sa toonse tatuli bana bamuzyali omwe na? Sa teensi Leza omwe wakatulenga toonse na? Lino nkaambonzi muntu ulacitila mweenzinyina lweeno, akutyola cizuminano cabamatata? 11#Neh 13:23Juda wabula kusyomeka, ancito zisesemya zilacitwa mu-Israyeli amu-Jerusalemu, nkaambo Juda ulisofwaazizye cikombelo ca-Jehova ncayandisya, ulikwete mwana musimbi wamuzimu mweenzu. 12Kufumbwa muntu uucita obo, Jehova amunyanzye kumakalilo aa-Jakobo kamboni nanka sikumuvwiila nanka sikuletela Jehova wamakamu cipaizyo.
13Acintu cimwi cabili ncimucita nceeci. Mulavumbya cipaililo caJehova misozi akulila akoomoka, nkaambo talangi limbi cituuzyo canu nikuba kucitambula cakubotelwa kumaanza aanu. 14Nkabela mulabuzya kuti, Nkaambonzi? Nkaambo kakuti Jehova kali kamboni wacizuminano ncimwakatangana, webo amukaako mutaanzi ngo citila cakutasyomeka, nekuba kuti ngumweenzinyoko amukaako ngomuzuminene, 15#Mt 19:4,5Sa teensi Leza omwe iwakatulenga akutubusizya myuuya yesu? Lino ncinzi ncayanda? Ulayanda bana balemeka Leza. Nkaambo kako amucenjele, kutabi umwi uucitila mukaakwe mutaanzi calweeno. 16#Dt 24:1Nkaambo kulekana ndikusulide, mbwaamba Jehova Leza wa-Israyeli, Akwalo kuvumbya zyakusama zyako bubi ndikusulide, mbwaamba Jehova wamakamu. Aboobo amucenjele, mutabuli lusyomo.
17Mwakataazya Jehova amajwi aanu. Pele mulabuzya kuti, Twamukataazya buti? Mwamukataazya kukwaamba kwanu kwakuti, Kufumbwa muntu uucita cibi mubotu mumeso aa-Jehova, alimwi bamubotela. Akwalo kubuzya kwakuti, Ino Leza walubeta uli kuli?
Currently Selected:
Malaki 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.