Malaki 1
1
Ba-Israyeli aba-Edomu
1Ngaaya majwi aa-Jehova ngaakaamba aaba-Israyeli kumulomo waMalaki. 2#Matl 25:23; 28:13; Rom 9:13#Is 34:5-17; 63:1-6; Jer 49:7-22; Ezk 25:12-14; 35:1-15; Am 1:11-12; Ob 1-14Ndamuyandisya, mbwaamba Jehova. Pele inywe mulaamba kuti, Ino watuyandisya buti? Sa Esau takakali mukulana wa-Jakobo na? mbwaamba Jehova. Nekubaboobo Jakobo ndakamuyandisya, 3anukuti Esau ndaikamusula. Zilundu zyakwe ndakazisaala, acaabilo cakwe caba cabamwaaba bamusokwe. 4Ba-Edomu balaamba kuti, Twamwayigwa, nekubaboobo tuyoopiluka akuyakulula matongo. Pele mbuboobu mbwaamba Jehova wamakamu. Kuyaka bayooyaka, pele mebo njoomwaya, nkabela bayootegwa cisi cazibi abantu Jehova mbakalalila akutamani. 5#Int 35:27; 83:18Meso aanu ayoobona makani aya, lino muyooamba kuti, Jehova ngusinguzu koonse akunze lyanyika ya-Israyeli.
Ba-Israyeli mbubasampaula Jehova
6 #
Kul 20:12; Dt 5:16; Mt 15:4; Ef 6:2; Lk 18:20; 6:46 Mwana ulalemeka wisi, amuzike ulalemeka mwami wakwe, Lino na ndime uso, kulemekwa kwangu kuli kuli? Na ndime mwami wanu, kuyoowegwa kwangu kuli kuli? Mbuboobo Jehova wamakamu mbwamwaambila, inywe nubapaizi numusampaula izina lyangu. Pele mulabuzya kuti, Twasampaula buti izina lyako? 7#Ezk 41:22Mwandisampaula kukutuula acipaililo cangu zilyo zisofweede. Pele mulabuzya kuti, Ino twazisofwaazya buti? Mwazisofwaazya kukuyeeya kuti intafule ya-Jehova ilisampaukide. 8#Job 42:8; Dt 15:21Na mwaleta munyama moofu wakupaizya, sa eco taceensi cibi na? Alimwi na mwaleta uulemene naba mulwazi, sa eco taceensi cibi na? Na watola cintu cili boobo kumwami wako wacisi, sa walo ulabotelwa na? Sa ulakukondelelwa na? mbwaamba Jehova wamakamu. 9#Hos 13:9Lino amutontozye busyu bwaLeza kuti atufwide luzyalo. Pele na mwasika acipo cili boobo mumaanza aanu, sa uyoomufwida insoni na? mbwaamba Jehova wamakamu, 10#1 Kor 9:13; Flp 3:18,19; Is 1:11Ma! sa taakwe muntu akati kanu uukonzya kujala milyango, kuti mutakunki mulilo wabuyo acipaililo cangu? Nsimubotelwi pe! mbwaamba Jehova wamakamu. Nsikoozumina kutambula cituuzyo camumaanza aanu pe. 11#Is 59:19; 66:19; Joh 4:21; 1 Tim 2:8; Ciy 8:3Nkaambo kuzwa kumazwido aazuba akusikila kumabbililo aalyo izina lyangu lilalemekwa akati kabamasi, nkabela koonse koonse tununkilizyo tulatentelwa izina lyangu, acituuzyo cisalala cilatuulwa, nkaambo izina lyangu lili abulemu akati kabamasi, mbwaamba Jehova wamakamu. 12Pele ipywe mulalisofwaazya mukwaamba kwanu kwakuti, Intafule ya-Jehova ilisofweede amicelo yalyo azilyo zyalyo tazikwe makani. 13#Lev 22:20; Is 1:12Alimwi mulaamba kuti, Ma! Cilakataazya. Aboobo mwandicapa, mbwaamba Jehova wamakamu. Mwandiletela cituulo cabanyama bakubba nanka balema nanka baciswa. Sa ndakonzya kutambula cituulo cili boobo kumaanza aanu? mbwaamba Jehova. 14#Inc 5:1Maawe kuliyooyo mubeji uujisi mweenze akati kabutanga bwakwe, alimwi wakonkezya kupaizya nguwe, nekubaboobo ulaletela Mwami cipaizyo citaluleme, Nkaambo ndi mwami mupati, mbwaamba Jehova wamakamu, azina lyangu lilalemekwa akati kabamasi.
Currently Selected:
Malaki 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.