Jobu 5
5
1Koita lino, Sa nkwaali uukonzya kukuvwiila?
Uyookumbila kumwaangelo uuli?
2Lunyemo luli boobo ndwabuyo, lulajaya;
Ndufu kumufubafuba uupya moyo.
3Ndakabona mufubafuba uusimpa miyanda,
Pele kufwambaana ndakatukila bukalilo bwakwe,
4Bana bakwe bali mulunyonyooko, balanyangwa;
Balajailwa milyango, taakwe uubavuna;
5Bantu batebula inzala balalya kulya kwabo
Balakubweza mumamvwa;
Bafwa nyota bamena lubono lwabo,
6Mapenzi taazwi mukasuko, Makataazyo taazwi muvu;
7Pele nkasimpe kuti muntu ulazyalilwa mapenzi
Mbuli nsasi mbozipasauka kujulu.
8 #
Int 50:15
Nendali ndime, nendalibika kuli-Leza,
Kunembo lya-Leza nendakapandulula kaambo kangu,
9Walo ulacita zintu zipati nzetutamvwi,
Zintu ziyoosya zitabaliki,
10Ulatilila myuunda mvula
Akuzuzya maanzi atala anyika;
11Ulabika ajulu babombede
Akusumpula balyeetezya;
12Ulasinkila ziyungo zyabacenjede
Kuti maanza aabo azundike mumilimo yabo;
13 #
1 Kor 3:19
Ulateya bacenjede mukuunina kwabo,
Akunyonyauzya maanu aabasilweeno.
14Balajana mudima ciindi casikati,
Akwaampaampa muzuba mbuli masiku,
15Ulavuna bateteete kuzwa kupanga lyakumulomo wabo,
Ababula kuzwa kujanza lyabasinguzu.
16Aboobo bacete balijisi ncobalangila,
Alimwi babi balayabilizigwa,
17 #
Tus 3:11-12; Heb 12:5-6; Int 94:12; Jak 1:12 Wasangalilwa muntu Leza ngwalulamika;
Utanyansyi kulomezegwa kwa-Singuzuzyoonse.
18 #
Hos 6:1
Ulasunga mpacisa;
Ulayasa pele maanza aakwe alasilika,
19 #
Kul 12:46; Int 34:19; Joh 19:36; Int 91:10; Tus 1:33; 2 Tes 3:3; 2 Pet 2:9 Uyookufutula kumapenzi aali musanu alimwi,
Akuli aali musanu aabili ayookweeleba.
20Muciindi canzala uyakukuvuna kuzwa kulufu,
Amuciindi cankondo kuzwa kunguzu zyapanga.
21 #
Int 31:15
Uyakusisilwa kuzwa kukalwalo,
Akutayoowa lunyonyooko.
22Inga ulaseka lunyonyoono anzala
Akutayoowa banyama baluma,
23 #
Int 91:12
Akaambo uyoomvwana amabwe aalo;
Banyama baluma bazooba bazwalani bako.
24Uyookonzya kusinizya kuti iŋanda yako ili aluumuno;
Akutabula imwi buyo kuti kobala butanga bwako.
25Uyakubona kuti baŋanda bako bavula;
Bana bako bayakuvula mbuli bwizu,
26Uyoosika kukabanda kocembeede,
Mbuli musunta wamaila mbuuyumunwa naatebulwa.
27Aka nkasimpe nketujanide, nketusinizizye;
Kokaswiili kuti kakuzyalile bubotu.
Currently Selected:
Jobu 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.