Jobu 6
6
Jobu taumuzigwi amajwi aa-Elifazi, Ucisinizya mubululami bwakwe
1Elyo Jobu wakavwiila wati,
2Maawe! Kulyeetezya kwangu apenzi lyangu pati,
Kuti kazyeelekwa antoomwe,
3Nzilemu kwiinda musenga wamulwizi;
Nceeci ncincita ndaambe cakutayeeya,
4 #
Dt 32:23,42; Job 16:12-14; Int 7:13; 18:14; 21:12 Singuzuzyoonse undiyaside amivwi yakwe;
Buyoka bwayo bulaluma muuya wangu;
Ziyoosya zya-Leza zilandilwanya.
5Imbongolo yamusokwe ilalila na kuti kiijisi bwizu,
Musune ulalila sa kuti kalya?
6Sa muntu inga ulakonzya kulya zitalungidwe, zitalweli?
Mulolo uutuba waji ulaamunse sa?
7Muuya wangu ulazikaka;
Kulindime zilasesemya.
8Ndayanda buyo ncenkumbila;
Ndayanda buyo kuti Leza andipe ncinjandaula.
9Leza necamubotela naandipwaya buyo,
Janza lyakwe kuti lityole buumi bwangu,
10Necanduumuzya;
Ii, nendakondwa mukuzunta kwaco;
Nkaambo nsinanyansya majwi aa-Uusalala.
11Ndijisi nguzunzi kuti nzumanane?
Kunembo ninzi kuti nkazike moyo?
12Nguzu zyangu zileelene azyamabwe sena?
Sa nyama yangu mukuba?
13Pe pe, kunyina kugwasya pe.
Zyoonse zyali kundigwasya zyandisia.
14Bazwalani bakwe baleelede kumufwida luse muntu uutyompekeledwe,
Kuti atene ulaleka kusyoma amuli-Singuzuzyoonse.
15Pele bazwalani bangu balandityompya mbuli kalonga,
Mbuli tunkolola tumwaya maanzi,
16Kazifutide akusia
Akaambo kacaanda amaanzi aandwa aaenzemukide,
17Pele zilausa kuti kalibala,
Zilayuminina izuba lyapya.
18Bantu beenda tanga balazilangila,
Elyo balaleya kabaya munkanda akufwa;
19Mpumba zizwa ku-Tema ziyandawida maanzi mulinzizyo;
Basambazi bazwa ku-Seba balijisi lusyomo,
20Pele kulangila kwabo kulatyompwa;
Balasika akwiintizigwa,
21 #
Int 38:11
Mbuli mbombede akaambo kandinywe lino,
Nywebo nemwandibona akuyoowa.
22 #
Inc 20:33
Sa ndakumbila cipo kulindinywe?
Sa ndayanda kuti mubbadele masinkamulomo aakaambo kangu?
23Na kundivuna kulibasinkondoma?
Antela kundinununa kuzigebenga?
24 #
Int 39:1
Kamundiisya, inga ndaumuna;
Mundaambile mpombisizye.
25Kwaamba kwakasimpe nkubotu,
Pele kukanana kwanu kulaambanzi?
26Sa mulayanda kusinsa majwi buyo
Aakulabalika kwamuntu uupengesya?
27Mulabweza mucaala akuwaala cisolo;
Mulaulisya muzwalani wanu.
28Amundilange kubusyu,
Nkasimpe nsikamubejeli.
29Kamuleka kundipa mulandu;
Amundileke, taakwe ncindakabisya.
30 #
Job 33:8-12; Jak 3:13 Sa kuli kutalulama kululimi lwangu?
Sa ndabula manjezeezya aanditondezya bubi?
Currently Selected:
Jobu 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.