2 Makani 14
14
Asa mbwaakeendelezya kabotu
1 #
1 Bam 15:8
Lino Abija naakafwa, bakamuzika abamawisi mumunzi wa-Davida, elyo Asa mwanaakwe wakalya izina lyakwe, Mumazuba aakwe cisi cakakala aluumuno myaka iili ikumi. 2Nkabela Asa wakacita zibotu aziluleme mumeso aa-Jehova Leza wakwe. 3#1 Bam 15:14; 2 Mak 15:17; Kul 34:13; 1 Bam 11:7Wakagwisya zipaililo zyeenzu azipaililo zyakuzilundu, alimwi wakamwaya zilende akugonka zifwanikisyo zyamituni. 4Wakaambila ba-Juda kuti bayandaule Jehova Leza wabamawisi akubamba mulao amilazyo. 5Muminzi yoonse ya-Juda wakagwisya zipaililo zyakuzilundu azipaililo zyazuba, Nkabela cisi cakalikede aluumuno kubusyu bwakwe. 6Alimwi wakayaka minzi iili alubaya mucisi ca-Juda, nkaambo nyika yakalikede aluumuno. Katajisi inkondo mumyaka eyo, nkaambo Jehova wakamupa luumuno. 7Lino wakaambila ba-Juda kuti, Atuyake minzi eyi akwiizyungulusya malambo amaanda malamfu, zitendele aminkulu. Nyika icili yesu, nkaambo twayandaula Jehova Leza wesu, Twamuyandaula, lino watupa luumuno kumabazu oonse. Elyo bakayaka akujana coolwe.
8Nkabela Asa kajisi impi yabasilumamba ibakali kusama intobo amasumo, bantu ba-Juda bali zyuulu zili myanda yotatwe, aba-Benjamini ibakajisi intobo akufusa mata bali zyuulu zili myanda yobile azyuulu zili makumi aali musanu aatatu, Aba boonse bakali baalumi basintaze. 9#2 Mak 16:8; Jos 15:44; Mik 1:15Lino Zera muKusi wakeza kuzoobalwisya, kali abasilumamba bali zyuulu zili cuulu ankalaki zili myanda yotatwe. Nkabela wakasika ku-Maresa. 10Elyo Asa wakainka kuyoobalwisya, wabamba basilumamba mumindando mukuti lya-Zefata ku-Maresa. 11#Kul 14:10; 1 Mak 5:20; 2 Mak 13:14; Int 22:5; Inc 2:21; Bab 7:7; 1 Sam 14:6; 2 Kor 12:9,10; 1 Sam 17:45; Tus 18:10; Nah 1:7Mpawo Asa wakakwiilila Jehova Leza wakwe, wati, O Jehova, taakwe umbi uuli mbuli nduwe uukonzya kuvuna bakompeme kumaanza aabasinguzu. Kotugwasya, O Jehova Leza wesu, nkaambo tulasyoma nduwe, alimwi muzina lyako tweza kuzoolwisya bantu aba banji loko. O Jehova, nduwe Leza wesu. Bantu baansi ano batakusampauli. 12#2 Mak 13:15Mpoonya awo Jehova wakauma ba-Kusi kunembo lya-Asa alyaba-Juda, nkabela ba-Kusi bakacija. 13#Matl 10:19; 20:1; Int 46:1-11Lino Asa abantu mbaakali abo bakali kuya bubatanda mane kusikila ku-Gerari, nkabela ba-Kusi bakajayigwa mane kakutakwe naba omwe iwakasyaala muumi, nkaambo bakazundwa kubusyu bwaJehova abwabasilumamba bakwe, Alimwi ba-Juda bakasaala imbono zinji. 14#Matl 35:5; Kul 15:16; Dt 11:25; 2 Mak 17:10; 20:29Nkabela bakazunda minzi yoonse iyakeengelede Gerari, nkaambo buyoofu bwa-Jehova bwakabayoosya, aboobo bakasaala minzi yoonse, nkaambo kakuli imbono zinji mulinjiyo. 15Alimwi bakasaala zilao zyabaabo ibakajisi iŋombe akusaala imbelele zinji ankamele zinji, Elyo bakapiluka kuJerusalemu.
Currently Selected:
2 Makani 14: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.