2 Makani 13
13
Bwami bwa-Abija
1 #
1 Bam 15:1
Mumwaka wakumi amusanu aitatu wabwami bwa-Jeroboamu, Abija wakaba mwami wacisi ca-Juda. 2#2 Mak 11:20Wakeendelezya myaka yotatwe mu-Jerusalemu, Izina lyabanyina kali Mikaya mwana musimbi wa-Urieli waku-Gibeya.
Lino Abija a-Jeroboamu bakali kulwana. 3Nkabela Abija wakaya kunkondo, kali abasilumamba basinguzu basalidwe bali zyuulu zili myanda yone. Alakwe Jeroboamu wakabamba mindando yakumulwisya, kali abasilumamba basinguzu basalidwe bali zyuulu zili myanda iili musanu aitatu, 4#Jos 18:22Mpawo Abija wakanyampuka acilundu ca-Zemaraimu, cili mutulundulundu twa-Efraimu, wakati, Amundiswiilile, O Jeroboamu anyoonse nuba-Israyeli. 5#Bab 11:21-24; 1 Sam 16:12,13; 2 Sam 7:12-16; Int 89:20; Lk 1:31-33; My 18:19Sa tamuzi kuti Jehova Leza wa-Israyeli wakapa bwami bwa-Israyeli mumaanza aa-Davida kuti bube bwakwe, walo abana bakwe, Wakacita obo acizuminano citapwayiki. 6#1 Bam 11:26; 12:20,27; 2 Mak 10:19Pele Jeroboamu mwana wa-Nebati, muzike wa-Solomoni mwana wa-Davida, wabuka, wapapila mwami wakwe. 7#Bab 9:4; Int 26:4; Tus 12:11; Inc 17:5Alimwi bamwi bantu babuyo, bana ba-Saatani, bamuyobolokela, bapapila Roboamu mwana wa-Solomoni, Roboamu naakacili mwanike, naakacili mutete mumoyo akubula inguzu zyakubakasya. 8#Hos 8:6Lino sa mulayeeya kukaka bwami bwa-Jehova mbwaakabika mumaanza aabana ba-Davida nkaambo kakuti muli banji, alimwi mweza aboombe bangolida mbaakamucitila Jeroboamu kuti babe baleza banu? 9#2 Mak 11:14,15; Kul 29:35Sa tamutandide bapaizi ba-Jehova, nkukuti bana ba-Aroni aba-Levi? Sa tamuna kulibikila bapaizi nubeni mbuli bamasi? Kufumbwa muntu uusika amucende na bagutu bali musanu ababili kuzoolisalazya, waba mupaizi wabaabo batali bale za? 10Pele iswe, Jehova ngu-Leza wesu, Tatuna kumuleka. Abalo bapaizi besu bamanina Jehova milimo mbobana ba-Aroni, aba-Levi mbobabagwasya mumilimo. 11#2 Mak 2:4; Lev 24:2-6; Kul 27:20,21Balatuulila Jehova zipaizyo mazuba oonse cifumo amangolezya, atununkilizyo, alimwi balabika zinkwa zyakubonwa-bonwa antafule iisalalisya, akubamba ilampi lyangolida kuti mimuni yalyo iboneke mazuba oonse ciindi camangolezya, nkaambo iswe tulabamba milazyo ya-Jehova Leza wesu, anukuti inywe mwamuleka buyo. 12#Dt 20:4; Jos 5:14; Int 20:7; My 10:8; Job 15:25,26; Inc 5:39; 9:4,5Amubone! Leza uli aswe, ulatusololela, abapaizi bakwe bali amyeembo yabo yakulizya kukwiita bantu kuti bazoomulwisye. Nubana ba-Israyeli, mutalwisyi Jehova Leza wabamauso, nkaambo tamukonzyi kuzunda pe.
13Lino Jeroboamu wakabika basikuyuba, kuti bababukile kuzwa kunsi, aboobo basilumamba bakwe bakali kunembo lyaba-Juda, abasikuyuba bakali kusule lyabo. 14Nkabela ba-Juda nibakalanga bakabona kuti inkondo nkwiili kunembo akusule koonse, Mpawo bakakwiilila Jehova, abapaizi bakali kulizya myeembo. 15#My 32:4; 2 Mak 14:12Elyo bantu ba-Juda bakoonzomoka, nkabela ba-Juda nibakoonzomoka, Leza wakauma Jeroboamu aba-Israyeli boonse kubusyu bwa-Abija aba-Juda. 16Lino bana ba-Israyeli bakacija kumeso aaba-Juda, nkabela Leza wakabaaba mumaanza aabo. 17Abija abantu bakwe bakabauma aluumo lupati, nkabela kwakajayigwa akati kaba-Israyeli bantu basalidwe bali zyuulu zili myanda yosanwe. 18#Bab 8:28; 2 Bam 18:5; 1 Mak 5:20; 2 Mak 16:8,9; 20:20; Int 22:5Mbuboobo bana ba-Israyeli mbubakabombesegwa kuciindi eco, Bana ba-Juda bakazunda nkaambo bakasyoma Jehova Leza wabamauso. 19#Jos 15:9; Joh 11:54Lino Abija wakatanda Jeroboamu akumunyanzya minzi: Beteli atunzuunzi twawo, a-Jesana atunzuunzi twawo, a-Efroni atunzuunzi twawo. 20#1 Sam 25:38; 26:10; Ezk 24:16; Inc 12:23; 1 Bam 14:20Nkabela Jeroboamu takwakaliboozezya limbi inguzu zyakwe mazuba oonse ngaakapona Abija, Elyo Jehova wakamuuma, aboobo wakafwa. 21Pele Abija wakajana inguzu, nkabela wakakwata banakazi bali ikumi abane, akuzyala bana balombe bali makumi obile ababili abana basimbi bali ikumi amusanu aumwi. 22#2 Mak 9:29; 12:15Lino makani amwi aa-Abija, anzila zyakwe, atwaambo twakwe, alilembedwe mubbuku lyamusinsimi Ido.
Currently Selected:
2 Makani 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.