2 Makani 12
12
Sisaki mwami wa-Egepita mbwaakalwisya Roboamu
1 #
2 Mak 11:17; Dt 8:14; 1 Bam 14:22-24 Pele bwami bwa-Roboamu nibwakaima nji, alimwi naakajisi inguzu, wakaleka mulao wa-Jehova, aba-Israyeli boonse mbubonya. 2#1 Bam 14:24,25Lino mumwaka wasanu wabwami bwa-Roboamu, wakasika Sisaki mwami waEgepita kuzoolwisya Jerusalemu. 3#2 Mak 16:8Wakeza ankalaki zili cuulu amyanda yobile abasimbizi bali zyuulu zili makumi aali musanu alimwi. Abantu mbaakeza abo kuzwa ku-Egepita teebakabalika pe, ba-Lubi aba-Suki aba-Kusi. 4Nkabela wakazunda minzi miyumu yamucisi ca-Juda, aboobo wakasika ku-Jerusalemu. 5#2 Mak 11:2; Dt 28:25; 2 Mak 15:2Lino Semaya musinsimi wakeza kuli-Roboamu akubami ba-Juda ibakabungene ku-Jerusalemu nkaambo ka-Sisaki, wabaambila kuti, Mbuboobu mbwaamba Jehova. Inywe mwandileka, aboobo ambebo ndamuleka akumwaaba mumaanza aa-Sisaki. 6#Kul 10:3; Lev 26:40-42; 2 Mak 33:12,19; 34:27; Int 78:34; Jak 4:10; Kul 9:27Mpoonya awo mwami abapati ba-Israyeli bakalibombya, bati, Jehova mululami. 7#1 Bam 21:28,29Nkabela Jehova naakabona kuti balibombya, ijwi lya-Jehova lyakasika kuli-Semaya, liti, Balibombya. Nsikooyoobanyonyoona. Ndabapa lufutuko luniini. Bukali bwangu tabukooyootilwa ku-Jerusalemu kujanza lya-Sisaki. 8#Is 26:13; Dt 28:47,48Nekubaboobo bayooba bazike bakwe, kuti bazibe buzike bwangu mbububede abuzike bwabami babamasi mbububede.
9 #
1 Bam 14:25,26; 10:16,17; 2 Mak 9:15,16 Aboobo Sisaki mwami wa-Egepita wakeza kuzoolwisya Jerusalemu, nkabela wakatola zintu ziyandisi zyamuŋanda ya-Jehova, azintu ziyandisi zyamuŋanda yamwami zyoonse wakazitola, Wakatola zikwabilizyo zyangolida nzyaakacita Solomoni, 10#2 Sam 8:18; 23:23; 1 Mak 11:25nkabela mwami Roboamu wakapanga zikwabilizyo zyamukuba mucibaka cazyo akuzibika mumaanza aabasilutwe babasilumamba ibakali kulanga mulyango waŋanda yamwami. 11Lino kufumbwa ciindi mwami naakaya kuŋanda ya-Jehova, basilumamba bakainka azyo, elyo kusule basilumamba bakaziboozya kuŋanda yabalindizi.
12 #
Matl 18:24; 1 Bam 14:13; 2 Mak 19:3 Lino naakalibombya, bukali bwa-Jehova bwakamuleka, teebwakamana kumunyonyoona. Alimwi makani aamucisi ca-Juda akaba kabotu. 13#1 Bam 14:21; 2 Mak 13:7; 2 Mak 6:6; Int 48:1-3Aboobo mwami Roboamu wakaliyumya mu-Jerusalemu akweendelezya. Roboamu kali amyaka iili makumi one aumwi naakalya bwami, nkabela kali mwami myaka iili ikumi amusanu aibili mu-Jerusalemu, munzi Jehova ngwaakasala akati kamisyobo yoonse ya-Israyeli kuti abike izina lyakwe nkuko. Izina lyabanyina kali Naama mu-Amoni. 14#Mt 7:7; Inc 9:11Nkabela wakacita bubi, nkaambo takwakapangika moyo wakwe kukuyandaula Jehova.
15 #
2 Mak 9:29; 13:22 Lino makani amwi aa-Roboamu, mataanzi amasyaalizi oonse, sa taalembedwe mubbuku lyamajwi aa-Semaya musinsimi amubbuku lya-Ido sicilengano? Nkabela Roboamu a-Jeroboamu bakali kulwana mazuba oonse. 16Lino Roboamu naakafwa, wakazikwa abamawisi mumunzi waDavida. Elyo Abija mwanaakwe wakalya izina lyakwe.
Currently Selected:
2 Makani 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.