2 Makani 10
10
Roboamu mbwaakakaka kugonka mutelo
1 #
1 Bam 12:11
Lino Roboamu wakaya ku-Sekemu, nkaambo ku-Sekemu ba-Israyeli boonse nkubakabungene kuzoomupa bwami. 2#1 Bam 11:40Mpawo Jeroboamu mwana wa-Nebati naakamvwa, oko ku-Egepita nkwaakabede, nkwaakacijide kuzwa kumwami Solomoni, Jeroboamu wakapiluka kuzwa ku-Egepita. 3Nkabela bakatuma kuyoomwiita, elyo Jeroboamu ambungano yoonse yabaIsrayeli bakeza kuzooambila Roboamu kuti, 4#1 Sam 8:11-18; 1 Bam 4:7; 5:15; 9:15; Mt 11:29,30; 23:4; 1 Joh 5:3Uso wakatulemezya mukuli. Lino webo, kotuubulwida cibbalo ciyumu causo amukuli wakwe mulemu ngwaakatulemezya, elyo tuyookubelekela milimo. 5Mpawo wakabaambila kuti, Amwaanzaane mazuba otatwe, mukaboole alimwi, Lino bantu bakaanzaana.
6 #
Job 8:8,9; 32:7 Lino mwami Roboamu wakabuzyanya abapati ibakaimvwi kubusyu bwa-Solomoni wisi naakacili muumi. Wakababuzya kuti, Ino mulalaya buti? Tuvwiile buti bantu aba? 7#1 Bam 12:7; Neh 5:19; Int 112:5; Tus 15:1Bakavuwa kuti, Na wafwida bantu aba luse, akubabotezya, akubaambila majwi mabotu, elyo bayooba bazike bako mazuba oonse. 8#2 Sam 17:14; 2 Mak 25:16; Tus 1:25; 13:20; Muk 10:2Pele wakakaka lulayo lwabapati ndubakamulaya, wakabuzyanya abamuselanyina mbaakakula abo, ibakaimvwi kubusyu bwakwe. 9Wakababuzya kuti, Anywebo mulalaya buti? Tuvwiile buti bantu aba ibandikumbila kuti, Ubya ijoko uso ndyaakatulemezya? 10Mpawo bamuselanyina mbaakakula abo bakamwaambila kuti, Mbuboobu mboelede kwaambila bantu aba ibaamba kuti, Uso watulemezya ijoko, lino uwe ubulula ijoko lyesu. Mbuboobu mboelede kubaambila, Amba kuti, Kantengeza kangu kalakomena kwiinda cikungu cataata. 11Taata wakamulemezya ijoko idemu, lino mebo njoobika bulemu abumwi kujoko, Taata wakamuumya mitatula, pele mebo njoomuumya tubanze.
12Lino Jeroboamu abantu boonse bakaboola kuli-Roboamu mubuzuba bwatatu, mbubonya mbuli ijwi lyamwami lyakuti, Amuboole kulindime mubuzuba bwatatu. 13#Tus 12:13; 14:16Nkabela mwami wakabaambila cabukali. Mwami Roboamu wakaleka lulayo lwabapati, 14akubaambila mbubonya mbubakamulaya banikenyina. Wakati, Taata wakamulemezya ijoko, lino mebo njooyungizizya ijoko lyanu bulemu. Taata wakamuumya mitatula, mebo njoomuumya tubanze. 15#Matl 50:20; 1 Sam 2:25; 1 Bam 12:15,24; Am 3:6; 1 Bam 11:29Mwami wakakaka kuswiilila bantu, nkaambo makani akazwa kuli-Leza, kuti Jehova azuzikizye majwi aakwe ngaakaamba kumulomo wa-Ahija waku-Sile, ngaakaambila Jeroboamu mwana wa-Nebati.
Zisi zya-Israyeli a-Juda mbuzyakaandaana
16Lino ba-Israyeli boonse nibakabona kuti mwami taswiilili, bantu bakavwiila mwami kuti, Iswe tujisi caabilonzi muli-Davida? Tatukwe lukono mumwana wa-Jese pe, Kamuya nyoonse kumaanda aanu nubaIsrayeli, Kobamba iŋanda yako omwini, O Davida, Mpawo ba-Israyeli boonse bakamwaika kuya kumaanda aabo. 17Pele bana ba-Israyeli ibakakede muminzi ya-Juda, Roboamu kali mwami wabo. 18Elyo mwami Roboamu wakatuma Adoramu mupati wacibbalo, nkabela bantu ba-Israyeli bakamutulaula mabwe mane wafwa, Mpawo mwami Roboamu wakafwambaana kutanta munkalaki yakwe akucijila ku-Jerusalemu. 19#1 Bam 12:19; 2 Bam 17:21-23; 2 Mak 13:5-7; Muk 2:19Mbuboobo ba-Israyeli mbubakabisizya luzubo lwa-Davida akusikila sunu.
Currently Selected:
2 Makani 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.